Wokha, June 16: Nagaland-ni Wokha songjinmao mongolbar salo Ward No. 8 (Tsumang B) bye-election-o BJP-ni candidate, Mhomo Humtsoe aro dolgni party-rangni dongpaanio election a•bachengna skangan uamang chadrapako man•ahani gimin authorities-rang Bharatiya Nagarik Suraksha Sanhita (BNSS)-ni ning•o Section 163-o pangchake raka niamrangko ra•gatangaha.
Humtsoe-ni aganani gita ia obosta pringni 4:30 bajio manderangni vote ka•na re•banaskang uamangni polling station-ko nina re•angmittingo, mande dolsachi chadrapako man•aha aro chadrapako man•anio BJP-ni candidate saknaako man•aha, ine ua aganangaha.
Ia ong•gipa obostako chinga ta•raken police-rangna u•iataha aro FIR-ko ka•angaha, indake chadrapanio bak donggipa saksa me•asa Zubemo minggipako police-rang rim•angaha, ine Humtsoe aganangenba chinga ia election-ko tom•tome ong•atangna nang•nika, ine Humtsoe agandapangaha.
Ia ong•gipa obostani ja•man ua jolo Wokha-ni Deputy Commissioner aro District Magistrate , K Mhathung Tsanglao, Section 163 of the Bharatiya Nagarik Suraksha Sanhita (BNSS)-ni ning•o raka niamrangko ra•gatangaha.
Ua jolo golmal ong•anirang chol donga ine Kobor-rangko man•soani ja•man iarangko champengsonagita dilgiparang election-ni somoio, Ward No. 8-na raka niam-rangko ra•gatangaha. Ra•gatgimin nimrangara mande sakbongana bate tome rona on•jawa silchidarerangko ra•bitna gita man•jawa.
Vote ka•giparangko ba election-ni official-rangko ka•mikenatnagita man•jawa, ong•gija kattarangko agana man•jawa vote ka•na re•anggiparangko, polling staff security personnel-rangni kam ka•anirango champengna gita man•jawa.
Jolo tom•tomaniko rakkina aro votting ka•anirango maming kenanigri ka•angna man•atna aro tom•tome matchotatnagita ia niamrangko ra•gataha, ine official-rang aganangaha.
Ia niamrangko ja•rikgijagiparangni kosakko Bharatiya Nyaya Sanhita-ni ning•o ja•ku de•china gita administration, Wokha-ni Police-rangni Superintendent-ko ge•etangaha.
Ia ong•gipa obostako Nagaland-ni Deputy Chief Minister aro Home Minister Yanthungo Patton niksoenba political worker-rangko aro supporter-rangko election-ko tom•tome matchotatna gisik ka•sinachi kamrangko ka•chinagita ku•patiangaha.
Na·simang iakoba nina man·gen:
Na·simang iakoba poraina man·gen: Assam-o pekatgipa samrang baksa sakgniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
