Agartala, Oct 3: Tripura University-o skanggipa semister porikkani result-rang namjani a•sel, National Education Policy (NEP) baksa apsandake, 5-gipa semister-ona kingking exam form-rangko on•gimin aro tangka gamgimin chatro chatrirang baksana jemangan be•en an•senggijani a•sel porikka sena gita man•jahachim, uamangko ra•dona gita ia undergraduate program-ni niamrangko adita dingtangatna tik ka•angaha.
6-gipa semister-ona sokdona gita chatro chatrirang 1-gipaoni 5-gipa semister-ona komibewaloba uamangni mongsonggipa subject-o 50% mark-rangko man•a gita nanggen.
BJP dolchi dilenggipa sorkari aro Akhil Bharatiya Vidyarthi Parishad-ni gita ia dingtangataniko namnikgenchimoba, gipin chatro chatrirangni dolrangoniko namnikgija jegalanirangko nikna gita man•skaaha. Batanggimin semister porikkao bang•bate chu•sokgijaniko man•gipa chatro chatrirangni jingjengata jaman ia dingtangatani bidingo, Registrar Dr. Deepak Sharma sombar salo jinmana parakataniko dakataha.
Ia dingtanganiko ra•bana tik ka•anichi, 2-gipa semister-ona re•angna man•gijagipa sak 8,000 mangni gita chatro chatrirangna ian namgniko ra•bagnok inenba, Higher Education-ni Director, Animesh Debbarma aganangaha.
Tripura University, poraienggipa chatro chatrirangni namgnina Under Graduate Programme Regulation-ko adita dingtangataniko dakatan baksana, chatro chatrirang pilakon 5-gipa semister-ona kingking maming ra•rika gri semister ge•gipinona watna tik ka•angaha. Uasan ong•aigija, ia University-ni ning•o chapaako man•gipa ge•gni University-o poraienggipa chatro chatrirangni namgnina chanchie, MBB University-ba ia apsan dingtangataniko ra•gatna gita kamrangko ka•engaha aro iandake chatro chatrirangko ra•dona ja•ku de•aniko ua kusi ong•e rimchaksoa, inenba Tripura-ni Skotong Minister Manik Saha, X (Twitter)-o see parakataha.
Na·simang ia video-koba nina man·gen:
Na·simang iakoba poraina man·gen: Khasi-Jaintia-na 50%, Garo-na 40%, gipin ST-na 5% aro unreserved category-na 5% job reservation-ko on•china KSU dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
