Agartala, Apr 27: Tripura Tribal Areas Autonomous District Council (TTAADC)-o gital seoka man•gipa TIPRA Motha-ni membor-rang, Sombar salo, Khumulwng-o donggipa Council Hall-o ku•mikchetangaha indiba ia salo, council-ni gital Chief Executive Membor (CEM) aro Executive Membor (EM)-rangkode parakatjaha.
Gital membor-rangni ku•mikchetaniko, Law Secretary Sankari Das dilangaha aro gital membor-rangni ku•mikchetanio, Chief Executive Officer (CEO) Ravel Hemendra Kumar, TIPRA Motha-ni dilgipa Pradyot Kishore Debbarma aro dingtang dingtang dilgiparangba bak ra•angtokaha.
Gital membor-rangni ku•mikchetani ja•man TIPRA Motha-ni dilgipa Debbarma, kobor ra•timgipa manderang baksa agangrikengon, TTAADC-ko gital dake chalaina bakan uamang, an•tangtangni miksonganirangko parakatgen ine aganaha.
Batanggimin chang TIPRA Motha-ni TTAADC-ko chalaianio, uamang mongsonggipa kamrangko chu•sokate on•na man•jahani gimin ia chang, uamang kamrangko taridapenba, ‘gital Tripura’-ko ong•atna miksonganirang donga ineba Debbarma aganaha.
Tripura a•doko, mongsongbate Tribal jolrango District Council-an namroro silroroaniko ra•baanio mongsonggipa kamrangko ka•gipa ong•a ine janapatengon, TTAADC-na simsak nirokaniko on•batchina gita TIPRA Motha-ni dilgipa, ma•mong sorkari aro Tripura sorkariko didiangaha.
Gital membor-rangni ku•mikchetanio, gital seoka man•gipa Bharatiya Janata Party (BJP)-ni membor sakbri aro gipin dilgiparangde bak ra•eskajaha.
Na·simang iakoba nina man·gen:
Na·simang iakoba poraina man·gen: M’laya-ni songrango tangka-paisachi dakchakani cholrangko on·na MegLIFE aro MRB, MoU-ko soi ka·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
