Tura, March 26: Chrism Misaboli, jean sacrament-o to-rangko nongna jakkalachim ua to- rangko rongtalatna patiani ong·a, Turani Bishop Andrew R Marak aro Auxiliary Bishop C J Jose-ni dilanichi Mongolbar attamo dingtang dingtang diocese-rangni kamalrang tom·chim monge Tura-ni Cathedral Church-o rongtalgipa to-rangko patianiko dakangaha.
Ia gilja ka·anio bishop rongtalgipa Chrism aro gipin torangko pattiaha, je kaman Bishopni chu·gimik kamal ong·aniko mesokani ong·a aro jean Gitel baksa Kamalni chapchap ong·ani chinba ong·a.
Ia maniao minggittam rongtalgipa torangko pattiaha. Uaranga, catechumen to, jekon namgijarangko a·rikana jakkalgipa to ine minga aro jekon napbolatanio jakkala; sagiparangni to, jekon sagiparangko to nonganio jakkala; Rongtalgipa Chrism to, jekon Baptism sacrament, Confirmation aro Holy Order-o jakkala.
Rongtalgipa Chrism to mongsonggipa ong·a, jekon Rongtalgipa gisik baksa to nongani sacremaneto jakkala. Uan dingtang dingtang similgipa to-rangko bringimin ong·a, aro uan 2 Corinthian 2:14, 16-o pangchakgipa ong·a.
Chengoni Jihudirang-ni manianirangko to-rangko jakkala. Uarangko song·na aro tochrirangko so·na jakkalana agreba manderangko, jekai kamalko ba katchinikgipako ba rajako rongtalatna gita to nongnaba jakkala: “Uni gimin nang baksa nangrimgiparangna bate Isol, nang·ni Isol, nang·o Ka·srokani toko nongaha” (Gitrang 45:7). Ia dakbewalko a·bachenggipa chasongni Kristianrangni manianirangonaba ja·rikkuaha, maina uamang toni gamchatanikosan ong·aigija Jisu sawachim ukoba nikaha aro u·iaha. Niam Gitalo Nazarethni Jisuko dal·batgipa kamal, katchinikgipa aro raja ine mesoka, jean an·tangni manderangna chu·gimikgipa janggi tanganiko on·na re·baaha. Messiah inon ‘to nonge rongtalata man·gipako’ miksonga.
Na·simang iakoba poraina man·gen: “CAA-ko 6th Schedule-o ra·gatgija dakjaode anga una vote on·jawachim”
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
