Tura, May 24: Meghalaya a•dokni Skotong Minister Conrad K Sangma, bristibar salo da•o taridapenggipa critical care unit-ko aro sanna bannani bosturangko nirokeaniko dakangaha. Uni re•ange niani somoio, ua hospital-ko chalaienggiparang baksa taridapani kamrang baditana chu•sokaha iarangni gimin agan-golpogrikangaha, jean re•anggipa tom•bimonganio ta•rake taridapani aro gitalgipa sanna bannani boaturangko nangani gimin agan-golpoachisa chu•sokna gita man•aha.
![](https://hubnetwork.in/wp-content/uploads/2024/05/WhatsApp-Image-2024-05-06-at-1.24.51-PM-767x1024.jpeg)
A•dokni Skotong Minister, ia somoiko ra•enba gitalgipa CATH-lab-o ka•tong operation ka•a man•gipa manderangko grongeaha aro ia hospital-ko chalaienggipa aro ka•tong operation ka•gipa doctor-rang baksa ia operation-o bak dongpagipa sakantinan nama skaniko on•angjolaha.
Tura Civil Hospital-o ka•tong operation ka•a man•gipa manderangko don•chakna gital critical care unit-ko rikna nangchongmotani gimin Skotong Minister-na u•iatangaha, una agreba sanna bannani bosturangko nangdapani gimin aro dingtang dingtang unit-rango manderangko nangdapengan baksana paramedic aro technician-rangko nangdapani giminba janapatjolaha.
![](https://hubnetwork.in/wp-content/uploads/2024/05/app-1-1-1024x1024.jpg)
Chinga a•dokni manderangna nambata sanna bannaniko on•a man•a gita, dingtang dingtang hospital-ko chalaienggiparang baksa banga buildingko aro sanna bannani cholrangko namdapatani gimin kamrangko ka•enga, ine CM uni agananio parakangaha.
Jagnina skang a•bachengatgipa CATH-lab ian nangchongmotgipa ong•achim, maina Garo Hills-ni banga ka•tong saako man•gipa manderang sanna bannaniko dakna gita Guwahati-onasa re•angna gita nangrongachim. “Ia CATH-lab aro cardiology unit-ko Tura Civil Hospital-o a•bachengatanichi banga Garo Hills-o ka•tong sae dongenggipa aro jemangan ta•rake sanna bannaniko nangengachim uamangna rang•sipeaniko ra•baaha, ineba ua aganangkuaha.
![](https://hubnetwork.in/wp-content/uploads/2024/05/WhatsApp-Image-2024-05-20-at-08.31.41-1024x724.jpeg)
“Battanggimin salrango sakgni ka•tong operation ka•a man•gipa manderangna namen kenchakani ong•achim aro uamangko operation ka•na ru•utata ong•ode uamangna namjabatnaba dongachim. Anga ia operation ka•gipa doctor-rangko operation ka•anio chu•sokanina aro janggirangko naljokatahanina de•mittelna ska,” ine CM aganangaha.
Uasan ong•aigija, a•doko sanna bannaniko namdapatani kamrangkoba ka•angkugen ine aganenba, Chief Secretary-ko ia hospital-o namdapatani kamrangko aro sanna bannanirangko nirokaniko dakenba report-rangko antangna on•echina gitaba CM u•iatangaha.
Na·simang ia video-koba nina man·gen:
Na·simang iakoba poraina man·gen: Tura Babupara-o donggipa World War cenotaph-ko nitogija ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub