26.3 C
Tura
spot_img

Tura Babupara-o donggipa World War cenotaph-ko nitogija ong•atenga

Must read

Tura, May 23: A•gilsak gimikni skanggipa dakgrikanio kamrangko dakchake on•na gita France a•songona re•anggipa A•chik matgrikrangko gisik ra•na Tura-ni Babupara-o tarie dongipa cenotaph-o manderang, ma•manti jabolrangko galengani a•sel da•o ia biap nina nitogija ong•engaha.

Ia biapo manderang walni somoirangoba roe beer bottle, cha•ani bikilap aro uandakgipa ma•manti jabolrangko galengani a•sel ian da•o manderangni nikanio namen nitogijani ong•skaengaha.

Advertisement

Jolo songdongenggipa manderangni u•iatani gitade, walni somoirango pangnan chadamberang ia cenotaph-ona rona re•angronga aro ia biapo light-rangba dongjani a•sel aro gate-koba chipe donjani gimin chadamberang ia biapo ma•manti ong•gija kamrangkoba ka•na chol man•tokenga.

Ia cenotaph-o bilsiantian July-ni 16 tariko Garo Labour Corps Day-ko manironga aro iako Tura Municipal Board jako ra•e nirokengachim.

Ia cenotaph-ko adita bilsirangna skangsan lakni lak tangka paisarangko koros ka•e taridapahachim indiba da•o ia cenotaph-ni bang•bata biaprangon tiles-rangni be•anirangkosa nikna man•skaengaha.

Ia biapko bilsi gimikan nirok sandianirang dongja aro July 16 tariko Garo Labour Corps Day-ko manina skangmangmangsan taridaprongaia ineba jolo songdongenggipa manderang aganaha.

Advertisement

A•gilsak gimikni skanggipa dakgrikanio India a•songoba British sorkarini ge•etaniko man•e, sak 500 A•chik matgrikrang, British aro gipin dolrangna kamrangko dakchake on•na gita France a•songona re•angaha indiba ia sak 500-oni sak 456 matgrikrangsan France a•songona sokangaiahachim.

Advertisement

Ia First World War 1918 bilsini May 25 tariko bon•ani ja•man A•chik matgrikrang songtangtangona re•bapilon, France a•songona sokanggipa sak 456 matgrikrangoni sak 120-san Tura-ona sokbapilaiaha aro ia sak 120 matgrikrangko ia biapon British sorkarini officer-rang, mande ra•bee rimchaksotokahachim.

Na·simang ia video-koba nina man·gen:

Na·simang iakoba poraina man·gen: Jowai-o songdongenggipa manderang rongtalgija chiko man•enganina badi ka•doa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article