26.3 C
Tura
spot_img

SSLC porikka seanio Tura-ni Sherwood School top-ni 1-gipa gadangko man•e chu•soka

Must read

Shillong, May 24 : Changsatai, West Garo Hills Tura-ni Sherwood School-ni, Anuj Chetri, Secondary School Leaving Certificate (SSLC) porikkao, chu•gimik 575 mark-rangko man•enba top-ni 1-gipa gadongko man•e chu•sokgipa ong•aha. Iani gisepon, skanggipa changna Shillong-ni St Anthony’s aro St Edmund’s Higher Secondary School-rangba Higher Secondary School Leaving Certificate (Arts)-o top-ni 1-gipa gadangko man•e chu•sokgipa ong•angskaaha.

Ia ge•gni porikkani result-rangkon Meghalaya Board of School Education, sukrobar salo parakataha.

Shillong St Margaret’s Higher Secondary School-ni Aleytheia Syiemlieh, chu•gimik 574 mark-rangko man•e top-ni 2-gipa gadango pass ka•angskaaha, indake,  Shillong Christian Academy-ni Congenial Kharsahnoh, chu•gimik  571 mark-rangko man•e top-ni 3-gipa gadangko man•rikskaaha.

Ia bilsini SSLC porikkao, a•dokni dingtang dingtang skulrangni sak 34 chatro chatrirangba top-twenty merit list-o bimungrang nadopaaha.

St Anthony’s Higher secondary school-ni Menangmankhraw Kharkongor aro St Edmund’s Higher secondary school-ni Gaurav Bharali maang sakgnian chu•gimik 468 mark-rangko man•enba, HSSLC porikkao top-ni 1-gipa gadongko man•e pass ka•angaha. Indake ong•engon, Tura Don Bosco College (Hr Sec Section)-ni Tanisha Das aro Salseng Marak, top-ni 2-gipa aro 3-gipa gadangko man•e pass ka•angskaaha.

Ia bilsi, SSLC porikkao pass ka•ani percent 55.80-rangko nikna gita man•aha, indake re•anggipa bilsio SSLC porikkao 51.93 percent-mangsan ong•aiachim.

Indake ong•engon, HSSLC porikkao pass ka•anio gimik 79.76 percent-kosan nikna gita manaiaha, jean re•anggipa bilsio pass ka•ani 80.30 percent-na bate komibataha.

Dam 679 skulrangni, dam 157 centre-rango SSLC porikka segipsarang hajal 54,134 chatro chatrirangoni sak hajal 30,207 mangni gita pass ka•angtokaha. Iani gisepon, dam 251 skulni dam 105 centre-rango HSSLC porikkako segipa sak hajal 27,374 chatro chatrirangoni sak hajal 21,833 mangni gita chu•sokgipa ong•skaaha.

Ia SSLC porikkao, West Jaintia Hills a•jao chu•gimik 78.34 percent-rangko man•e a•dok gimiko pass percent batgipa ong•aha, iani gisepon, North Garo Hills a•ja, chu•gimik 23.88 pass percent-ko man•e komibatgipa ong•skaaha.

HSSLC porikkao, Eastern West Khasi Hills a•ja 92.32 pass percent-ko man•e a•dok gimiko batgipa ong•aha, aro chu•gimik 56.30 pass percent-ko man•e South Garo Hills komibatgipa ong•skaaha.

Na·simang ia video-koba nina man·gen:

Na·simang iakoba poraina man·gen: CM Tura Civil Hospital-ko nirokea, doctorang critical care unit-ko nanganiko janapa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article