Tura, Dec 3: Tura Diocese-ni golden jubilee manianiko matchotatani bak gita Sonibar salo, deacon sakbongako, chong·motan, Anthony Marak SDB, Thomas Ch Sangma, Parciush R Marak, Martin A Sangma aro Bromeo Ch Marak SDB-ko Tura-ni Bishop, Most Reverent Andrews R Marak, Tura-ni Don Bosco School kal·chakramo pamong songe on·angaha.

Ia gital pamongrangko songna gita jinma tom·e bi·rimaniko ong·atanio Garo Hills aro Shillong songjinmaoniba sak 110-na baten pamongrang aro Catholic bebera·giparang tom·chimongbaenba, gital pamongrangna pattianiko on·angtokaha.

Ia tom·bimonganio Tura-ni Bishop, Most Rev Andrew R Marak, jinmana aganprakengon, mondolina dangdike on·na gita an·tangtangni dedrangko Isolna pakwate on·ahani gimin ia pamongrangni ma·a paarangko mittelpilangaha. Pamongrangni daitorangko agan-talate on·angengon, uamang Nokgipa Isolni okamaniko knachake an·tangtangko on·kangmanahani gimin jeo donggenchimoba Isolni kattarangko sakgipinrangna gipatna nanggnok maina manderangna dangdike on·anian Nokgipa Isolna dangdike on·ani ong·a ine Bishop aganaha.

Ia gital pamongrangko an·tangtangni bi·anirango gisik ra·china gita ua tom·bimonganio bak ra·gipa manderangkoba didiangaha.

Iakoba poraie nina man·gen: Shillong-o Water Heritage Fortnight-ko ong•ata