Shillong, Dec 3: Shillong songjinmani Iewduh ba Bara Bazar-o ramarang namja, pipe-rang leak ong·e nalarang namen chaktogijaniko ong·atenga ine manderangni badi ka·anirangko man·soani ja·man Sonibar salo, Meghalaya Tourism Development Corporation (MTDC)-ni chairman aro South Shillong-ni MLA Sanbor Shullai, an·tangan ia biapona re·ange obostarangko nieaha.

Iewduh-ko nieani somoio Shullai baksa PWD aro PHE-ni official-rang bakasana Harijan Colony-ni dilgiparangba dongpaaha aro uamang Anjali joloni Them Iewmawlong-ona biaprangko niangaha.

Ia biaprangko niangon, ia jolo ramani obostarang namsrangjaha, ramarang chibolrara dake re·ruraenggipa manderangna neng·nikanirangko on·enga ine MTDC-ni chairman aro South Shillong-ni MLA nikna man·aha.

Nalarangoni chaktogijagipa bibarangko chakna nangtokengani a·sel Bara Bazar-ona koros ka·na re·angenggipa manderang aro ua biapo dokkan dakenggipa manderang neng·nikanirangko chagrongna nangtokenga ineba ua nikna man·aha.

Read: Shillong’s Rachel Rimeika Jyrwa crowned Miss Hornbill International 2023, to sign contract with Vogue Nagaland

WATCH:

Iakoba poraie nina man·gen: Shillong-o Water Heritage Fortnight-ko ong•ata