Tura, May 1: Budhbar salo, Tura Government College-ni gita, chatro chatrirangni changa sapanirangko tang•doatna aro maikai kamrangna nambate tarisamsoaniko dakna man•gen, uarangni gimin skie on•a miksonge, Soft Skill, Entrepreneurship Development aro Cyber Crime-ni bidingo skie on•a sal 3-ni Workshop-ko, Tura Government College-o ong•atenga.
Ia Workshop-ko, Rashtriya Uchchatar Shiksha Abhiyan (MHRD, Govt. Of India)-ni ning•o dakchakaniko man•e, IQAC, Tura Government College aro RUSA Project Implementation Committee, Tura Government College nangrimenba ong•atenggipa ong•achim.
Ia sal 3-ni Workshop-ko, chadamberangni gisikrango gamchatgipa u•i ma•sianiko gapatna mangsonge, Budhbar saloni a•bachengataha.
Indake, ia Workshop-ko mongsongbate Tura Government College-ni final aro 6th semester-o poraienggipa chatro chatrirangna ong•atenga jeon, bak ra•enggipa chadamberang, ia digitalni chasongo chagrongenggipa neng•nikanirangko, uamangni kam baseanirango, poraianirango aro janggi tanganio dake rike cha•anina nangchongmotenggipa changa sapaniko ning•tue u•ie ra•na nangenganiko skie on•a aro kamrangko am•giparang ong•gija, batesa kam nakatatgiparang ong•na aro chadamberangko bil gnangatgipa ong•atna ine miksongenba ong•atengachim.
Ia programme-ko Tura Government College-ni Principal, Isaac W Momin, a•bachengate on•angaha jeon, chatro chatri sakantikon ia programme-o bak ra•e speaker-rang baksa agangrikchina aro uamangni on•enggipa cholrangko ra•china didiataha.
Indake skanggipa salo, Soft Skill-ni bidingo, Dr. Benjamin F Lyngdoh skie on•aniko dakangaha, jeon, jinmao agana ka•donggipa ong•ani aro an•tangan maiko dako namgen namjawa gisiko name chanchie kang•kare ka•e tik ka•e ra•ani gimin bak ra•enggiparangna talate on•angaha.
Soft Skill-ni gnigipa session-ko May 3 tariko ong•atanggen, jeon, MegLIFE Project, MBMA-ni Sr. Manager, Dokatchi K Marak, interview-ni somoio maiko chagronggenchim, uarangni gimin aro an•tangna resume seani gimin skie on•angskagen.
Entrepreneurship Development session-o, District Commerce and Industries Centre, Tura-ni Functional Manager, Frederick A Sangma, DCIC, Tura-ni ning•o man•enggipa scheme-rangni gimin talate on•angskagen.
Indake bon•kame, Cyber Crime session-o, West Garo Hills, Tura-ni Addl. Superintendent of Police, P. W. Sangma, MPS, ia digitalni chasongo dakna nanggni aro dakna nanggijani bidingo, chatro chatrirangna skie on•aniko dakangskagen.
Na·simang ia video-koba nina man·gen:
Na·simang iakoba poraina man·gen: Tura-o dumper truck bolgniko wa•al so•chipa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
