Shillong, Apr 29: Re•baenggipa 2027 bilsini National Games-ko Meghalaya a•doko sokachakanio dongchakani biaprangko baridapatna gita a•dok sorkari, Tura aro Jowai-o boutique hotel-rangko kulina 72 percent-oni 75 percent-ona kingking subsidy-ko on•na tik ka•aha ine Budbar salo, Meghalaya a•dokni Sports & Youth Affairs Minister Wailadmiki Shylla, National Games Secretariat Society-ni skanggipa tom•aniko ong•atani ja•man parakataha.
National Games Secretariat Society-ni governing body baksa tom•e chanchirimangani ja•man kobor ra•timgipa manderang baksa agangrikengon, ia committee-o Tourism, Health, Transport aro Information & Public Relation department-oni official membor-rang dongkujani gimin ia committee-ni membor-rangko baridapatna tik ka•aha ine Shylla parakataha.
National Games-ko sokachakna tarisamsoanirangko janapatengon, ia kal•susaaniko sokachakna gita kamrang ta•rakengaha indiba Garo Hills aro Jaintia Hills a•jarangosa, kal•susagiparangko donchakna gita biaprang chu•ongjae, neng•nikanirangko man•engkua ine Sports Minister aganenba, iani giminsa Tura aro Jowai-o boutique hotel-rangko rikna sorkari, 72 percent-oni 75 percent-ona kingking subsidy-ko on•na tik ka•angaha ine parakataha.
Nokrangko rikdapna gitade sorkari nangnikjaengaha maina National Games matchotani ja•man, ia nokrangko chalaianio neng•nikanirangko man•skagen ineba Shylla talataniko on•angaha.
National Games-na kamrangko ka•samsoanio a•dok sorkari, ma•mong sorkarini tangka paisarangna senge dongchagija an•tangtangan chu•sokatna krenge kamko ka•engaha ineba Sports Minister aganaha.
Adita jarangna skangsan, Union Sports Ministry-ni secretary, Meghalaya a•dokona re•bae kamrangko niangaha ine janapatengon, ua an•tangba National Games-na tarisamsoanirangko chu•ongnikangaha ine Shylla aganaha.
Ia National Games-ko Meghalaya-o sokachakanio chu•sokgipa ong•telgen ineba Shylla, an•tangni ka•dongchakenganiko parakataha.
National Games-ko sokachakaniosan ong•ja indiba ia kal•susaanio bak ra•enggipa a•dokni manderang chu•sokgipa ong•chinaba sorkari nangnikenga ineba ua aganaha.
Mikkang bilsionide jemangan National Games-o a•dokna medal-rangko chee on•gen, uamangnade sorkarini kamrangko on•na siengahani gimin ian kal•susagiparangna ka•dongatani ong•gnok ineba Sports Minister aganaha.
Na·simang iakoba nina man·gen:
Na·simang iakoba poraina man·gen: National Games-ko sokachakna tarisamsoaniko Planning Board nipilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
