Tura, April 19 : Da•al salni bako, Tura Lok Sabha seat-na vote pu•onani bon•achibara 72.33 percent-ona gapdoaha indiba 2019 Lok Sabha Election-na bate 5 percent komibata. 2019 bilsio Lok Sabha seat-na susaanio NPP-ni candidate Agatha K Sangma, INC-ni candidate Mukul M Sangma-ko 64,000 vote-rangchi amchepatani somoio pu•ongiparang 81.38 percent ong•achim.
Indake ong•engon, election official-rangni chanchisamsoe aganani gitade, chu•gimik polling party-rang sokbahaode pu•ongiparangni percent-rang baridapgen maina gimik polling official-rang da•o sokbatokkuja.
Tura Lok Sabha seat-ni ning•o ga•akgipa dam 24 assembly constituency-rangon maming nengnikani ba champengani grian tom•tom ong•e pu•onanirangko ong•atna man•aha aro indake da•o dipet vote on•ani chu•gimik 72.33 percent ong•enga.
Da•o man•gipa voting percentage ian 2014-o ong•anggimin election-o gitan apsananga, jeon NPP-ni Late Purno A Sangma, Mukul-ni chawari congress-ni Daryl William Cheran Momin-ko amatahachim, ua bilsio voting percentage 78.13 ong•a.
2019 Lok Sabha Election-o vote ka•anio: NPP-ni Agatha K Sangma 52.22 percent.
INC-ni Mukul Sangma 41.24 percent.
BJP-ni Rikman Garey Momin 5.44 percent.
Na·simang ia video-koba nina man·gen:
Na·simang iakoba poraina man·gen: Sikkim a•doko adita nanggrikanirang ong•genchim ong•oba, pu•ongipa manderang 36.80 percent gapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
