Tura, July 7: World Zoonosis Day-ni salko maniani bak gita, Tura-ni Brahminpara-o donggipa State Veterinary Hospital-o July jani 5 tarikoni 7 tarikona Free Anti-Rabies Vaccination Camp-ko ong·atangaha. Ia camp-ko ong·atanio, achakrang aro menggorangko man·chape mang 50-na batpile noko jilenggipa matburingrangna anti-rabies biji su·anirangko dakangaha. Ian sabisirangko champengna nangchongmotani bidingo manderangni u·irorobaaniko mesoka.
Veterinary Officer, Dr. Ripamchi N Marak, matburing sakoba chikgenchim ong·ode bakan ua matgipako su·gale galna nangchongmota aro anti-rabies bijirangko su·e ra·chomotna nang•a aro chugimik anti rabies bijirangko su·jaode, ua mande rabies sabisiko man·a am·aia maina sabisi donggipa matburingni ku·chio namgijagipa jo·ongrang gnang ine ua talate on·aha.
Rabies ian namen kenbegnigipa sabisi ong·a, jean rabies man·gipa matburingrangni mandeko chikanichi batna man·gipa ong·a aro ian mandeni taning aro u·iani ja·dilrangko nosto ong·ata. Ia sabisini chinrangko mandeo nikna a·bachengahaode mandeko pangnan siatgniona sokatronga, uni gimin naljoke dongna gita somoi gita bijirangko su·na nangchongmota.
1885 bilsio, Louis Pateur-ni skanggipa rabies vaccine-ko mandena on·chenganiko gisik ra·na gita ia World Zoonosis Day-ko pangna bilsian July jani 7 tariko manirongbaenga. Matburingrangoni mandeona batna man·gipa sabisirang jekai rabies sabisirangni gimin manderangna mikrakataniko on·a miksonganio ia salko manirongbaenga.
Noko jilenggipa matburingrangko ia camp-ona rimbaaniara, noko jilenggipa matburingrangko simsak nirokanio aro manderangko an·seng baljoke rakkianio manderangni gisiko nangbatrorobaaniko mesoka.
Na·simang ia video-koba nina man·gen:
Na·simang iakoba poraina man·gen: Nagaland-o chi bananirangchi a·dok gimiko neng·nikanirangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
