Tura, Aug 12: Mongolbar salo, Tura-ni Government Boys’ Higher Secondary School, Tura Civil Hospital-ni IRCTC, ART Centre, OST aro District Maternity & Child Health Hospital nangrimenba International Youth Day-ko maniangaha aro ia salko maniani bak gita Intensified Information, Education & Communication (IEC)-ko a•bachengate on•angjolaha. Ia IEC campaign-ara, HIV/AIDS, Sexually Transmitted Infections (STIs) aro drug abuse ba pekatgipa samrangko jakkalani namgijani bidingo chadamberangna mikrakatani ong•a.
Ia International Youth Day manianiko sak 200-na baten chatro chatrirangni jinma re•jomanichi a•bachengataha, jeon chatro chatrirang, AIDS aro STI-ni bidingo mikrakate segimin lekka pal•takrangko ra•e re•jomtokaha.
Ia International Youth Day-ko manianio, Tura Sadar-ni Sub-Divisional Officer (SDO) Richa Kulkarni, mongsonggipa sokgipa ong•e bak ra•angaha aro ia International Youth Day-ni namgipa skaniko chadambe sakantinan on•angaha.
Chadamberangan ‘re•baenggipa salrangko rikgiparang’ gita ong•a ine janapatengon, India a•songo, mongsongbate Meghalaya a•doko songdonggiparangoni bang•batan chadamberangsa ong•ani gimin bang•en namgnirangko man•a ine Kulkarni aganaha.
HIV/AIDS, STIs aro Drugs-rangni bidingo kratchagija an•tangtangni ripengskarangna aro nokdangni manderangna agan-talate on•china gitaba ua, chadambe sakantikon didiangaha.
Ia IEC campaign-ko ong•atani bidingo Tura Civil Hospital ICTC-ni Dermatologist Dr Lucybeth N Sangma, kobor ra•timgiparangna talate on•angengon, iandakgipa program-rangko ong•atanio chadamberang gisiko nangen bak ra•engani gimin ian namen chu•sokgipa ong•enga ine parakataha.
Ia International Youth Day-ko manianio dongpae, chatro chatrirangna agan-talate on•anggipa gipin manderangara, Tura Civil Hospital-ni ning•o donggipa ART & OST Centre-ni Medical Officer Dr Icylda A Sangma, Tura Civil Hospital-ni sakgipin Medical Officer Dr Khona A Sangma, Govt Boys Higher Secondary School-ni Principal Chemina M Sangma aro gipinrang ong•a.
Na·simang iakoba nina man·gen:
Na·simang iakoba poraina man·gen: Sak 1,900na baten Bangladesh aro Myanmar-oni Mizoram-ona katnapgiparang biometric enrolment-ko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
