Aizawl, Aug 12: Myanmar aro Bangladesh-oni katnapgipa manderangna biometric enrolment-ko dakengon, Mizoram-o dongenggipa sak 1,900na baten manderangko bimung sejotaha.
Official-rangni aganani gitade, technical kamrango neng·nikani aro diltugipa songrango internet man·na neng·ani a·selo ia kamrang namen ka·sinbeenga.
Sukrobar salo, district administration-rang Mizoram-ni dam 11 a·jarango sak 1,947 manderangni biometric-rang aro songdonggipa biaprangni gimin sejote ra·aha.
State home department-ni parakatani gitade, Myanmare-oni chu·gimik sak 32,504 manderang da·o Mizoram-o katnape, a·dokni sam-11 a·jarango dongnapenga, aro Champhai a·jao sak-13,586 manderang donganichi bang·bate sokachakgipa ong·enga.
Champhai a·jao July 31 tarikonin bimung sejotanirangko a·bachengahaoba, electronic bosturango technical kamrang name ka·jani a·sel sak-7kosa sejotna man·kuainga.
February 2021-o, niamni kosako bikotgipa dolrangni Myanmar-o sorkarini kosako chakatani ja·mano, manderang re·bae katnapeaha aro da·o barirorore sak 33,000mang dongenga.
Ia katbae camp-rango dongenggiparang bang·bataan Chin jatrang ong·a aro uamangni jatni dakbewalrang aro niam-retirang Mizoramni bang·bata Mizo jatrang baksa apsana.
Na·simang iakoba nina man·gen:
Na·simang iakoba poraina man·gen: SWKH-o police-rangni rim•gipa B’desh-ni mande saksa mata bu•a man•e sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
