Shillong, Aug 12: South West Khasi Hills a•jani Rongdongai songo, Tribal mande saksako chadrapgipa ine chanchichipenggipa Bangladesh a•songni dokgipa mandekoba police-rang Sombar salo rim•na man•ahachim indiba ia mande, mata bu•ako man•ahani a•sel siangna nangaha.
Ia mandeara, Bangladesh a•songo donggipa Sherpur-oni Akram minggipa mande ong•achim aro uaba re•anggipa Sukrobar pringwalo, Rongdongai songni bilsi 22 ong•gipa Balsrang A Marak-ko su•anina matnangako man•enggipa Bangladesh a•songni sakchet manderangoni saksa ong•a. Ia sakchet manderangoni sakbrikode Sonibar salo rim•aha aro sakgipinkoba Robibar salo rim•aha.
Sombar salo, ia sakchet manderangoni dokgipa, jekon Akram mingachim, ukoba police-rang rim•na man•aha indiba da•o sakgnide kate dongkuenga.
Akram minggipa mandeko Sombar salo, songni manderang rim•ani ja•man jinma chadrape dokaha aro iani a•selan ua mata bu•anirangko man•e siangaha ine Mongolbar salo police official-rang parakataha.
Police-rangni u•iatani gitade, ia mandeko songni manderang, jinma chadrape dokani ja•man saknaanirangko man•ahani gimin sanna gita Maheshkola Primary Health Centre (PHC)-ona ra•angaha indiba ja•mano uko Khonjoy PHC-ona ra•angon, uko siaha ine doctor-rang parakataha.
Indake ong•engon, ia sakchet manderangoni sakgnikoba police-rang rim•na sandikuenga ine South West Khasi Hills a•jani SP Banraplang Jyrwa parakataha.
Na·simang iakoba nina man·gen:
Na·simang iakoba poraina man·gen: Sak 700 Goa Police-na seokako man·giminrangni Lachit Barphukan Police Academy-o skie ra·anirang matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
