Tura, Oct 13: Sukrobar salo, Meghalaya a•dokni Chief Minister Conrad K Sangma, ‘CM Elevate’ program-ko Tura-o a•bachengate on•angaha.
CM Elevate program-ko a•bachengate on•anganio a•dokni Chief Minister, jinmana aganprakangengon, ia program-na sorkari, gong crore 300 tangkarangko chame donaha aro ia program-ni ning•o sak 20,000-mangni gita bading chiwalgiparangko dakchake on•anggen ine parakataha.
Happy to launch the CM-ELEVATE program for Garo Hills region in Tura. CM-ELEVATE will support over 20,000 Entrepreneurs across Meghalaya for the next 5 years with an investment of ₹300 Crore and a financial grant up to 75% to encourage our youth and aspiring entrepreneurs to… pic.twitter.com/1WEDN8qnVC
— Conrad K Sangma (@SangmaConrad) October 13, 2023
Meghalaya a•doko bading chiwalani kamrango gisik nanggipa manderangko dakchakna gita ia CM Elevate program-ko a•bachengataha ine janapatengon, ia scheme-ni niamo pangchake, seoka man•gipa manderangna 75 percent-ona kingking dakchake on•ani donggen ine Chief Minister parakataha.
Ia program-ni namgniko ra•e, sakgipinrangna janggi tangani cholrangko on•skana man•gipa bading chiwalani kamrangko a•bachengatchina gitaba ua chadamberangko didiangaha.
Sorkarini a•bachengatgipa ‘Yess Meghalaya’ program-ni bidingo janapatskaengon, ia program-ni ning•o chadamberangna dingtang dingtang kamrango dakchakanirangko on•na gita ia program-ko a•bachengataha ine Chief Minister aganaha.
Batanggimin bilsisani gisepon ia program-chi dol 1000-na baten sorkari, dakchakanirangko on•na man•aha aro mikkangchi bang•bata dolrangna tangka paisarangko dakchake on•angkugen ineba Sangma aganaha.
Meghalaya Grassroot Music Program (MGMP)-ni bidingo janapatskaengon, batanggimin bilsisani gisepo ia program-chi sak 1500-na baten git ring•na aro dokna dam•na gisiko nanggipa chadamberangna dakchake on•aha aro chadamberangni changa sapanirangko jinmana mesokna man•aha ine Chief Minister parakataha.
Ia bilsi dipet MGMP-ni ning•o, Meghalaya a•doko songdongenggipa dingtang dingtang jatrangni daka rikanirangko mesokna gita dakmesokanirangko tang•doatna cholrangko on•gen ineba ua aganaha.
Meghalaya sorkarini a•bachengatgipa ‘PRIME’, Green Meghalaya aro uandakgipa program-rangni giminba ia tom•anio a•dokni Chief Minister, jinmana agan-talate on•angaha.
Ia program-ko ong•atanio, dingtang dingtang village organization-rangna Community Investment Fund-ni ning•o gong crore 1.05 tangkarangko aro Payment for Ecosystem Services-ni ning•o gong 60,98,595 tangkarangkoba Chief Minister sualataha.
Yess Meghalaya program-ni ning•o seoka man•gipa manderangnaba skanggipa bakni gong 9,30,000-ko aro gnigipa bakni gong 1,40,000 tangkarangkoba sualataha.
As custodians of nature, our communities have actively engaged in protecting our green spaces. Through GREEN Meghalaya, communities are being supported financially to protect, preserve and rejuvenate our forest cover and natural resources. We have distributed over ₹30 Crores so… pic.twitter.com/lIAFTidsuc
— Conrad K Sangma (@SangmaConrad) October 13, 2023
Iakoba poraie nina man·gen: NEHU-ni VC ‘niam pe•a’ ine NEHU-ni skigiparang jegala
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
