Shillong, Oct 12: North Eastern Hill University (NEHU)-ni Vice Chancellor Prof PS Shukla, niamrangko pe•a aro skigiparangni nangnikanirangko knachakjaenga ine matnangenba Bristibar salo, North Eastern Hill University Teachers’ Association (NEHUTA), jinma re•jomaniko aro asonge jingjengataniko NEHU Shillong campus-o dakangaha.

Academic Council-ni ra•chakenga gri, NEHU-o bak ong•enggipa college-ni Undergraduate (UG) level-o National Education Policy (NEP) 2020-ko ra•gatdraaha ine matnangatengon, iani bidingo chanchirimna gita dingtangmancha Academic Council-ni tom•aniko ong•atna nanga ine skigiparang, NEHU-ni VC-o dabiangaha.

NEHUTA-ni president Lakhon Kma-ni parakatani gitade, Academic Council-ni tom•aniko ong•atchina gita uamang changni chang NEHU-ni VC-ko didiahachim indiba da•onan ia tom•aniko changsaba ong•atkujaengachim.

NEHU-ni VC-ko kam watchina gitade skigiparang dabienga ong•ja indiba skigiparangni nanganirangko ma•sie ra•na gita apsan chanchirimchina gitasa nangnikenga ineba ua aganaha.

University-ni kamrango Academic Council-sa pilakkon chanchie ja•ku de•gipa ong•achim indiba NEHU-ni VC, Academic Council-ni bilkon re•badena jotton ka•aha ineba NEHUTA-ni president parakataha.

Mikkangchi VC-ni kam ka•ani bewalrangko dingtangatjagenchimode skigiparang bilakbate jingjengatanggen ineba Kma mikrakataniko on•angaha.

Iakoba poraie nina man·gen: Reservation for Education-ni bidingo HITO, a·dokni Law ministerko gronga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub