Tura, July 27: Garo Hills-o administration centre-ko nangnikani bariroroengani gimin, namen mingsinggipa two-wheeler dealership J N Suzuki, uni gitalgipa branch-ko Tura-o nokdonggae on•angaha.
Ia gital kuligipa showroom-ko Araimile aro New Tura Beat House-ni sambao ge•sa kuliaha. Aro ian Shillong aro Jaintia Hills-ni jaman a•doko dealership-ni 3-gipa showroom ong•enga.
Ia nokdonggae on•anio, West Garo Hills a•jani Superintendent of Police, Abraham T Sangma, re•baenba mikkim gnangbatatan baksana showroom-ko re•e nianiko aro mesoke donenggipa garirangko name nianiko dakangaha.
Ia dealership-ni gita dingtang dingtang chakka ronggnigipa scooter aro bike-rangko iano man•an baksana a•bri a•kong dakgipa ramarango salna man•gipa bike-rangko mongsongbate donenga. Iano donengggipa scooter-rangara, Suzuki Access 125-ni ming 6 ba ming 7 rokkomrang, Avenis-ni ming 7 rokkomrang (special edition aro BT)-ni scooter-rang aro Burgman-ni ming 3 rokkom (standard, Bluetooth connectivity aro EX)-rang ong•achim.
J N Suzuki-ni motorcycle section-o Suzuki Gixxer-ni rokkomgni chong•motan 150cc aro 250cc model-rang baksana a•bri a•kong salna man•gipa bike V-storm SX 250cc-koba man•gen.
Iano garirangko palana agre, ia showroom-o workshop-rang aro gari tariani baksana garini bosturangkoba iano man•gen. Ia dealership-ni gita dingtang dingtang ra•doani scheme-rang aro Roadside Assistance Program, jean Suzuki gari jakkalgipa nokgiparangni garirang nosto ong•o ba garirang sichango ba rama a•sel ong•ani somoio dakchakaniko on•a gita konta 24-na dakchakaniko on•anggen.
“Chinga da•o nokdonggahani gimin, mikkangchi rider ba bike salgipa manderangna an•tangtangni changa sapaniko mesokna man•a gita bike salsusani event-rangko ong•atna ka•dongsoenga. Chinga bike stunt show-ko Shillong-o ong•atangaha aro ia apsankon Tura-oba ong•atangna chanchienga,” inenba dealership-ni nokgipa Pristymai Jyrwa Nongsiej, Hub news-na u•iataha.
Na·simang ia video-koba nina man·gen:
Na·simang iakoba poraina man·gen: Vijayashankar Meghalaya a•dokni Governor-na seokako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
