Tura, Feb 9: Konchi sabisiko bon·atna gita manderangna mikrakatanirangko on·anio, Sparsh Leprosy Campaign-ko Sonibar salo, Tura songjinmani Chandmari bazar aro Tura Super Market-o ong·atangaha.
Ia campaign-ara National Health Mission aro National Leprosy Eradication Program-ni ning·o, Red FM Shillong baksa ong·atenggipa program ong·a aro ia program-ko re·anggipa January 30 tariko, National Anti-Leprosy Day-ko maniani salo a·bachengatenba, February 13 tarikona, Tura, Shillong aro Jowai songjinmarango ong·atenga.
Ia songjinmarangosan ong·aigija, konchi sabisini bidingo manderangna mikrakatanirangko on·na gita dingtang dingtang PHC aro CHC-ni ning·o donggipa songrangoba chonchongipa program-rangko ong·atenga.
Tura-o ia Sparsh Leprosy Campaign-ko ong·atanio, Red FM Shillong-ni Radio Jockey (RJ) Saphi, manderangna konchi sabisini bidingo aro konchi saaniko sanna banani bidingo agan-talatanirangko on·angaha.
Ia program-ko ong·atanio A·chikrangoni git ring·na changgipa Silberth Abrio Sangma gitrangko ring·e mesokangaha aro Shillong-oni chrokgiparangba chrokanirangchi manderangko an·saoatangaha.
Ia Sparsh Leprosy Campaign-ko ong·atani bidingo West Garo Hills a·jani District Leprosy Officer in-charge Dr Albert Sangma, Hub News-na talate on·angengon, bilsiantian konchi sabisiko man·giparang dongkuengani gimin manderangna mikrakatanirangko on·na gita program-ko ong·atenga aro ia campaign-ko Tura-oni a·bachengate, ja·mano Jowai aro Shillong songjinmarangoba ong·atanggen ine parakataha.
Ia campaign-ni bidingo Red FM-ni RJ Saphi-ba Hub News baksa agangrikengon, ia program-ko ong·atanio manderang nimangmangaigija knatime ra·enga ong·ode aro sing·anirangna aganchakenga ong·ode uamangni ia program-o gisik nange bak ra·aniko mesokani ong·a, uni gimin iandake manderang baksa agan-golpogrikani program-rangara namen nangchongmotgipa ong·a ine aganaha.
Ia campaign-ni bak gita jinmana quiz competition-koba ong·atangaha aro chegiparangna boksisrangko on·angaha.
Na·simang ia video-koba nina man·gen:
Na·simang iakoba poraina man·gen: Ia bilsini SSLC porikkako sak 64,000-na batpile chatro chatrirang knaloni seanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
