Tura, Aug 21: Tura-oni Williamnagar aro Guwahati-ona dakanggipa ramako tariaoni da•o jachetsan ong•kuengoba ia National Highway (NH-217) ramani mitam bakrang da•on a•kolrara dake nosto ong•na a•bachengaha.
Rongram Bazar-oni Jengjal rama bibraona kilometer 14.8 ong•gipa ramako jachetskangmangmangsan tarimanahachim indiba ia ramani bakrango da•o a•kolrara dake nosto ong•engahani a•sel ramako re•ruraenggipa manderang neng•nikanirangko man•tokengaha.
Ia ramako 2022 bilsio MIDAS minggipa construction company jako ra•enba tarina a•bachengatahachim aro apsan bilsion ia ramako taria matchotahachim.
Defect Liability Period (DLP)-ni ning•o ia ramako tarigipa company, komibeoba ia ramako bilsibonganade name rakkiani ong•engachim indiba da•o jachetni gisepon ia ramani obosta namsrangjaengahani a•sel ramako re•ruraenggipa manderang neng•nikanirangko chagrongna nangtokskaengaha.
Ia rama gita a•dokni Chief Minister-ko man•chape dingtang dingtang VIP-rangba re•ruraengani gimin nosto ong•gipa mitam bakrangkode ia company, taridapna gita a•bachengskaaha aro a•kolrara dakgipa mitam bakrangoba itarangchi dape taridapskaengaha.
Ia NH-217 ramako skangode NH-51 ine mingaiachim aro ian Assam a•doko donggipa Paikan-oni a•bachenge Tura-ona dakbagipa rama ong•ani gimin Garo Hills-ni manderangnade ian mongsongbatgipa rama gitaba ong•engachim.
Iakoba poraie nina man·gen: Conjunctivitis saaniara batrikrikgipa ong•genchimoba kenna nanggipa ong•ja ine Health Minister talata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
