Tura, Mar 14: Tura Public School, chang 43 gipa Foundation Day baksana Alumni meet-ko, gitcham salrangko gisik ra•aniko dakan baksa katchan gapgipa manianiko dal•bee maniangaha. Ia manianio, skulni chu•sokanina aro namgipa bidako on•a gita on•kange kam ka•enganiko mesokna, dingtang dingtang daka rikanirangko, dakmesokanirangko aro aganprakanirangko dakangaha.
Indake, mongsonggipa sokgipa West Garo Hills a•jani Deputy Commissioner Jagdish Chelani aro gipin mande ra•ako man•a kragipa manderang jekai, Tura Public School-ni gitcham Principal aro School Education and Literacy-ni RTD. Add. Director, Charlotte W Momin, CM Secretariat-ni Joint Secretary, Rikse R Marak(MCS), Planning Department-ni Add. Deputy Commissioner, Winje W Momin(MCS), ADC Rojalinda D Shira(MCS) aro gipin kamoni neng•take dongenggipa Principal-rang, skigiparang aro staff-rang dongpaenba ia manianiko mikkim gnangbatataha.
Una agreba, ia skulni dingtang dingtang batch-rangni gitcham chatro chatrirangba ia manianio bak ra•angaha.
Indake, ia programme-o dingtang dingtang gisiko muni nangatgnigipa nitoatanirangko tariani, noksa salanirang, chatro chatrirangni doka damanirang, gisik ra•na gita gitcham chatro chatrirangko jachipchang ra•ani aro skulna dakchakenggiparangni tarigimin cha•anirangkoba, nikangna man•aha.
West Garo Hills a•jani Deputy Commissioner, Jagdish Chelani, skulni nisanko badalatenba, mikkang chasongo janggi tanggni chadamberangko bimang ong•atna tarisamsoenganina Tura Public School-ko mitelpilaniko dakangan baksa, gitcham chatro chatrirangkoba krenge jotton ka•anichi ia institution-ko gamchatgipa gam ong•atahanina mitelan baksa nama skanikoba on•angaha.
Tura Public School-ko 1981 bilsini March jani 14 tariko a•bachengataha aro ua salonin, Indian Certificate of Secondary Education (ICSE) course-ko a•bachenggipa gadangoni 10gipa gadangona kingking, Garo Hills a•jani pilak chatro chatrirangna nangnikenggipa bidako on•baengaha.
Na·simang iakoba poraina man·gen: Garo Hills-o Lok Sabha election-na tarisamsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
