28.2 C
Tura
spot_img

Garo Hills-o Lok Sabha election-na tarisamsoa

Must read

Tura, Mar 14: Adita salrangni gisepon Lok Sabha election-ko ong•atna siengahani gimin Bristibar salo, South West Garo Hills a•jani Deputy Commissioner aro District Election Officer RP Marak, a•jani ning•o donggipa damgittam Assembly Constituency-ni sector officer-rang baksa tom•aniko ong•atangenba, secto officer-rangni dakna nanggni kamrangko agan-talate on•angaha.

Ia tom•anio SWGH a•jani DEO, sector officer-rangni dakna nanggni kamrangko talate on•angengon, booth level officer (BLO)-rango pangchake dongaigija an•tangtangan an•tangtangni sector ning•o donggipa polling station-rangko nirokchina gita sector officer-rangko didiangaha.

Advertisement

Ia tom•anio, SWGH a•jani District Informatics Officer E Marak, election-ni somoirango dakna nanggni kamrang, Model Code of Conduct (MCC) aro election-ni nangchongmotgipa kamrangni bidingo power point presentation-chi sector officer-rangna agan-talate on•angskaaha.

Ia tom•anio SWGH a•jani Additional Deputy Commissioner (ADC)-rang, Assistant Commissioner-rang aro dingtang dingtang cell-ni nodal officer-rangba dongpae bak ra•angtokaha.

Indake ong•engon, SWGH a•jao ia Lok Sabha election-ko tom•tomao aro nama bewalo ong•atna man•na gita licence gnang silchidare jakkalenggipa pilak manderangkon, sepangbatgipa police station-rangona an•tangtangni silchidarerangko ra•ange donchina gita SWGH a•jani District Magistrate RP Marak u•iataha.

Na·simang iakoba poraina man·gen: CAA Assam-o gamchatja: Himanta Biswa Sarma

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

spot_img

More articles

spot_img
-->

Latest article