Shillong, Jul 10: Meghalaya & Greater Shillong Progressive Hawkers aro Street Vendors Association-ni member-rang, Town Vending Committee (TVC)-ko chu·gimik songe on·china dabie Sukrobar salo jingjengataha.
Association-ni General Secretary Shane Thabah aganengon, PTVC-ni saksa a·gipbebatgipa mande saksanchi pilakkon dakenga aro ian niamni a·palo ong·a aro committee-ko mande ra·gijaniba ong·a aro unbaksan PTVC-ko songaoni bilsa gapenba term bon·aha, uni gimin pilak kamko ka·na man·jaengani gimin chu·gimik TVC-ko songe on·a nanga ine aganaha.
Indake, ia term bon·anichi chasongni chasongna anti cha·chakbaenggipa lewduh, Iew Mawlong aro Motphran-na nangchakeako man·aha ineba Thabah aganaha.
Unbaksana uamang baksa maming agangrika gri Certificates of Vendors (COVs)-ko on·engani bidingo janapatengon, sorkari an·tangan Laitmukhrah-o badingchiwalaniko dakna biapko on·gen ine ku·rachakani ja·manba uamang ra·galpilaha aro ia kamrangara manderangni gisepo suk ong·gijaniko ong·ata ineba Thabah aganaha.
Indake, ba·ra chola palenggipa dolrangko donchange mesu samjak palenghipa dolrango SMP Parking lot-ona apjitatnasa tik ka·ahachim indiba da·alo uamangko Polo-ona apjitangskachina COV-ko on·skaenga aro ia ge·etaniko Municipal Office an·tangan on·aha.
Iarang ong·engani gisepo, TVC-ko chu·gimik chalaina man·a gita songe on·e man·a dipet ta·raken election-ko ong·ate dilgipako seokchina ineba Thabah mol·molataha.
Na·simang iakoba nina man·gen:
Na·simang iakoba poraina man·gen: M’laya-o Behdienkhlam maniani name matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
