Shillong, Sep 10: Re•baenggipa October 1 tarikoni 8 tarikona Saurashrra-o ong•atna sienggipa BCCI Women’s Under-19 T20 Trophy 2024-na gimik sak 15 membor-rang baksana sak 5-ko stand by dake Meghalaya Cricket Association (MCA) parakataha.
Ia tournament-o Meghalaya dol, Mumbai, Uttarakhand, Bengal, Odisha aro Bihar dolrang baksa Group-A-o kal•anggen.
Ia kal•susaanio bak ra•na gita da•o seoka man•gipa me•chikrangna Tura-ni Alotgre Cricket kal•chakramo training-ko on•enga aro jensalo seokako man•gipa sak 15 membor-rang, ia kal•susaaniona re•chakatanggen, unon stand by-na minge donenggipa sakbonga membor-rangkode, noktangtangona watatpilgen ine MCA u•iataha.
Ia kal•susaanio bakko ra•na gita seoka man•gipa sak 15 me•chikrangara, Janika R Marak, Dawanshisha Warlarpih, Diangchidora N Sangma, Pilika Marak, Ronjoli Basumatary, Marme M Sangma, Monica Singh, Shreya R Marak, Awesa G Momin, Jayshree Singh, Natasha Rabha, Jaylyn Mary, Julitha Sangma, Adela Kmen Lawai aro Rosabel Lyngkhoi ong•a.
Stand by-na donenggipa sakbonga membor-rangara, Lasusatre Suchiang, Zoya Tasneem, Sruana Chetry, Banri Kmen Lyngdoh Tongkhar aro Baiashisha Lyngkhoi ong•skaa.
Ia me•chikrangko dilangna aro nirokna sienggipa manderangara, Head Coach Leonard Wankhar, Assistant Coach Laxman Chetry, Trainer Helyna Sangma, Physio Lucky Mary Marbaniang aro Manager Raju D Sangma ong•skaenga.
Ia sal somoirango A•chik a•songoba bang•a chadamberangan cricket kal•anio tang•dobaroroengon, mitam ma•a paarang, detangtangko cricket kal•aniko an•tangtangna janggi tangani chol dake ra•aniko namnikgijagiparangba dongskaani gimin dedrangko cricket kal•anio gisik nanggiparang ong•na on•china aro detangtangko cricket kal•na watchina gita MCA-ni Apex Council Member Umpire aro U-23 Women’s Team-ni Selector Robert Momin, ma•a paarangko mol•molataha.
Na·simang ia video-koba nina man·gen:
Na·simang iakoba poraina man·gen: Dudhnoi-o ong•atanggipa chang 6-gipa Rabha Hasong Wushu Championship name matchotanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
