Shillong, Nov 15: Meghalaya State Government Employees Federation (MSGEF) Jaintia Unit-ni chang 8-gipa U Kiang Nangbah Memorial Inter Office Football tournament-ko Sombar salo, Dongmihsngi Ladthadlaboh Jowai-ni Kiang Nangbah Stadium-o a•bachengataha.
Ia football tournament ba robol kal•susaaniko a•bachengatani somoio West Jaintia Hills a•jani District Sports Officer K Passah, mongsonggipa sokgipa ong•e bakko ra•angenba, ia kal•susaaniko ong•atenggiparangna aro department-na namgipa skaniko parakangaha.
Ia gital chasongo kal•susaanirangchiba manderang janggi tangani cholrangko dake ra•na man•tokengahani gimin detangtangko kal•susaanirango gisik nangna gita didichina ua ma•a paarangkoba didiangaha.
Sombar salo skanggipa kal•susaaniko Soil & Water Conservation aro PWD-ni gisepo kal•angaha aro ia kal•anio Soil & Water Conservation dol, PWD-ko goal 3-1-chi cheangaha.
Soil & Water Conservation dolna Damitrius Nongtdu aro Kerbasius Suchiang, goal-rangko chipe on•aha aro PWD-na Lewansa Laloo chipskaaha.
