Shillong, July 24: Ramao a·sel ong·e chadambe saksa NEIGHRIHMS hospital-o siani ja·man uanoni staff aro security-rang baksa adita nanggrikangani bidingo Health minister Ma Ampareen Lyngdoh, ua somoio doctor-rangni aro gipin medical officer-rangni hospital-o donganiko una u·iataha ine Sombar salo kobor ra·timgiparangna aganangskaaha.
NEIGRIHMS-o ia obostarang ong·miting chachao attamchibara kamtangko ka·enggipa junior doctor-rang donganiko aro sagipa manderangko CMO-rang aro medical officer-rangni nienganiko angna u·iataha ine talatangenba, hospital-o mai mancha ong·aha ukode ma·sikuja; indiba chu·gimikko talna gita hospital-o maini a·sel jegrik-ingrikaona sokaha aro mande saksani janggi gimana gita nangaha iani gimin che·em-che·em talatanirangko on·china gita hospital-ni director-ko didiataha aro iani bidingo uamangni talatanirangko anga senge nikugen ine health minister agandapataha.
Ma Ampareen-ni ia kattako agananiara, mija Robibar salo ramao a·sel ong·gipa chadambe jokkom ong·gipako hospital-ona rimbae sana-bananiko on·engmitingo chadambeni siangani salsa ja·man ong·achim.
Iakoba poraie nina man·gen: A·sel ong·gipa chadambe saksa NEIGRIHMS hospital-o sia, 4 bajionan doctor saksaba gri ine nokni manderang matnanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
