Shillong, July 24: Ramao a·sel ong·e chadambe saksa mija Robibar salo hospital-o siangna gita nangahani gimin, Shillong-oni adita chel·kalao donggipa North Eastern Indira Gandhi Regional Institute of Health and Medical Sciences (NEIGRIHMS) hospital-o adita jegrik-ingrikanirang ong·angaha ine koboroniko knasona gita man·aha.

Koborni gitade, Robibar pring 11 bajimango Damsite ba Barapani jolo gari a·sel ong·ani gimin chadambe saksako hospital-ona ra·bae sana-bananiko on·engmiting somoio siangahachim.

Obostako chagronggipa chadambe, a·sel ong·anichi ja·samgnion bilongbee mata man·e jokkom ong·ana agre mande mangmangde tangengkuachim ine nokdangni manderang parakataha.

Indake ong·engon, jokkom ong·gipa mandeko hospital-ona ra·baani ja·man uno kam ka·giparang a·bachengode uko siaha ine parakatchengaha, indiba adita minitrang ja·mano uko tangengkua ine agantaipileba changsatai ua mandeko dongjaha ine paraktaipilani gimin nokni manderangko aro uni ripengskarangko namen ka·a nangataha aro iani a·selsa uamang hospital staff aro unomiting kamtangko ka·enggipa security baksa jegrikenba dolgnini gisepo nanggrikaona sokangaha.

Nokni manderang aro ripengskarangni matnange aganatani gita, attam 4 bajiona kingkingan doctor saksaba dongjachim aro konta 5 ong·nakpilaonan saknae jokkom ong·gipa mandeko medical professional saksaba re·bae nirokea dongjaha, jeni a·selsa ua siangna gita nangaha.

Iakoba poraie nina man·gen: Brahmaputra Valley Fertilizer Corporation Limited-ko chipna aganani gimin chatro chatrirang jegala

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub