Guwahati, Nov 18: Assam a•doko bobil dake chakatenggipa United Liberation Front of Asom-Independent (ULFA-I) dolko tom•tomaona rimbapilna gita uamangni dabianirang aro Indian Constitution-ni dongimin niamrango pangchake nambatgipa cholko man•gen ine Assam-ni Chief Minister Himanta Biswa Sarma, an•tangni ka•dongchakenganiko parakataha.
ULFA-I bobil dolni gittamgipa changna silchidare mittugrikaniko (ceasefire) ra•doatahani gimin bobil dolko mittelpilangengon, ian mikkangchi namgipa salrangko man•na mesokani ong•enga aro bobil dolni manderangko tom•tomaona rimbapilna gita uamangni dabianirang baksana a•songni niamrangkoba name chanchirimna nangenga ine Sarma parakataha.
ULFA-I bobil dolko salsanode tom•tomaona rimbapilna man•jawa indiba uamangko tom•tomaona rimbapilna gita uni sorkari, ka•sine ja•kuko de•gen ineba Assam CM parakataha.
