Shillong, Oct 21: Nongpoh-ni MLA Mayralborn Syiem-ni dilanichi Mongolbar salo, Nongtluh Mathan Marmain Development Forum (NMMDF), Ri Bhoi a•jao gital Umden Community & Rural Development (C&RD) Block-ko kuligalgalchina, Meghalaya a•dokni Deputy Chief Minister aro Home (Police) Minister Prestone Tynsong-ko didiangaha.
Iani bidingo NMMDF-ni membor-rang, Deputy Chief Minister-ko gronge memorandum-ko on•angengon, Umden jolo songdongenggipa manderangni namgnina aro ia jolrango namroro silroroaniko ra•bana gita Umden C&RD Block-ko ta•rake kulichina mol•molenga ine parakataha.
Tynsong-ko uni office chamber-o grongani ja•man kobor ra•timgipa manderang baksa agangrikengon, Umling Block-o dam 224-mangni gita songrang dongani a•sel songni manderang, self help group (SHG)-rang aro dingtang dingtang dolrang, an•tangtangni nangchongmota kamrangko ka•anio neng•nikanirangko chagrongna nangengani gimin Umden C&RD Block-ko ta•raken kulina nangchongmotenga ine Nongpoh-ni MLA Mayralborn Syiem aganaha.
Syiem-ni parakatani gitade, Nongtluh Mathan Marmain jolo dam 130-na baten songrang donga aro ia songrangoni bang•batan Umling C&RD Block office-oni km 80-na bate chel•grikani gimin dingtang dingtang nanga kamrangna re•ruraanio songni manderang neng•nikanirangko chagrongna nangtokenga.
Iandake jolo songdongenggipa manderangni neng•nikanirangko chel•atna gita Raid Nongtluh-Umden, Umden-o C&RD Block-ko kulina gita maming koros grian a•arangko indin on•aha ineba Syiem parakataha.
Uamangni mol•molaniko niatna gita Deputy Chief Minister ku•rachakaniko on•ataha ine janapatengon, batanggimin somoirangoba sorkari, ia jolrango songdongenggipa manderangna ku•rachakanirangko chu•sokatahani gimin ia dabianikoba sorkari chu•sokate on•telgen ine Nongpoh MLA, an•tangni ka•dongchakenganiko parakataha.
Na·simang iakoba nina man·gen:
Na·simang iakoba poraina man·gen: Sohiong-o ganja baganrangko police-rang nisie gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
