Shillong, Dec 2: Sonibar salo, Umroi-ni Legislator ong•gitcham George B Lyngdoh, an•tangni gelna man•gijagipa a•selrangchi, All India Trinamool Congress (TMC) party-o a•dokni Vice President aro Umroi TMC Block Committee-ni Padot-ni kamko ka•aoni wataha.

Indake, TMC party-ni a•doko dilenggipa Padot Charles Pyngrope-na kam watani chittiko on•atgipao janapani gitade, Lyngdoh an•tangni gelna man•gijagipa a•selrangchi ia kamko wataha aro uni ia kamko watanio, party baksa uni bakrimaniko maming dakeba watgaljawa ine ua janapataha.

Unbaksana, party-ni dilgipa sakantikon aro membor sakantikon, uko re•dilanina aro chakpaaniko on•anina aro a•dokni manderangni dingtang dingtang namgnirangna jotton ka•e dangdike on•ahaninaba ua mitelpilskaaniko dakaangjolaha.

Batanggimin somoirango, Shillong Parliamentary seat-na susaana gita, TMC-ni Padot Pyngrope, party-oniko Lyngdoh-ko bimung mingmanahachim.

Indake ong•engon, ua gipin political party-o bakrimna gita miksongani dongja ine talatan baksa, re•baenggipa Lok Sabha election-o susaana gita maming chanchisamsoani dongja ineba Lyngdoh parakataha.

Iakoba poraie nina man·gen: Shillong-o Water Heritage Fortnight-ko ong•ata