Dibrugarh, Oct 6: Union coal, and mines minister G. Kishan Reddy, Arunachal Pradesh a·dokni Changlang a·jao Namchik Namphuk central coal block-ko rikna pangchakani ro·ongko da·asalni bako songe on·angaha.
A·dokni Skotong Minister Pema Khandu, Deputy Chief Minister Chowa Mein, Lok Sabha MP Tapir Gao, state forest, Geology aro Mining minister Wanki Lowang aro gipin agipi dilgiparang ia tom·bimonganio bak ra·angaha.
Ia koila block-ko rikanichi ru·uta bilsirangna niam gri koila-rangko bikotaniko dontongan baksana, gital janggi tangani cholrang, silroro-namroroanirang aro koila aro uandakgiparangko jakkale kam ka·anirangko namdapatna miksongenga.
Ia chu·sokaniko man·anina Arunachal Pradesh sorkari aro uni manderangna an·tangni nama skaniko on·e, a·songni 74% power-ko koila jakkalanichi ong·ata, aro uni gimin sorkari, scientific bewalrangko jakkale koilarangko bikotna kam ka·enga ine Reddy parakataha.
A·ningo koila-rang dongkuenggiparangoni India-an 5-gipa a·song ong·a inenba, re·anggipa bilsio India-o 1 billion tonne koilarangko bikotna man·aha aro ian namgipa chu·sokani ong·a ine ua aganangaha.
Pangchakani ro·ongko songani ja·mano Kharsang-ni sepango donggipa Lomtom songo tom·bimonganio bakko ra·engon, koila-ko bikotenggipa company-rang mamung champenga gri kam ka·na man·na gita, uamang baksa bakrimchina ua manderangko mol·molaha. Uandake, District Mineral Fund-ni (DMF) ning·o pilak man·gnirangko manderangna on·gen aro a·jani Deputy Comissioner-ni jakona uarangko sokatgen ineba ua aganangaha.
Namchik-Namphuk koila block-an a·doko skanggipa commercial koila a·kol ong·gen. Kam ka·enggipa company-na koila cho·ani bidingo ku·chakgrike ra·aniko minister-chi jakchin on·aniko dakangaha.
Namchik-Namphuk block-o kror 1.5 tonne-mang koilarang donga, aro iako 2003 bilsion cho·aniko dakna on·ahachim indiba dingtang dingtang neng·nikanirangni a·sel uko a·bachengatjaha. 2022 bilsio auction ka·anichi uko a·bachengattaie, Arunachal a·dokni koila-ko bikotanirango private sector-na cholrang nakataha.
Ministry-ni aganani gitade, a·dok sorkarina ia project bilsiprako kror 100-na baten tangkarangko on·na man·gen ine ka·dongsoenga, aro uandake tangka-paisarangni aro silroro-namroroani bidingo namdapanirangko ra·bagen ine niksamsoenga.
Una agreba, Salgro-Salaram gimikon mongsonggipa mineral block-rangko am·sandina aro bang·bata damrangna palna man·na gita sandianirangko dakenga ineba aganangaha.
Arunachal Pradesh-o damgni aro Assam-o dambonga mineral block-rangko auction ka·anirangko da·o dakengaha aro iarangchin nangchongmotgipa uandakgipa a·ningoniko bikotgipa bosturangko man·na aro karkanarangko chalaianio an·tangtango pangchakna krengenga.
Ia a·kolrangoniko dingtang dingtang bosturangko bikotanichi joltango karkanarangko chalaianirangko bang·batatgen, manderangna janggi tangani cholrangko on·gen aro uandake dingtang dingtang karkana aro uandakgiparangko a·bachengate ua jolo songdonggipa manderangna dakchakaniko on·gen ine ka·dongsoenga.
Na·simang iakoba nina man·gen:
Na·simang iakoba poraina man·gen: Assam sorkari, ‘Shraddhanjali’ scheme-ko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
