Shillong, July 22: University of Science and Technology Meghalaya-oni (USTM) sak-46 chatro-chatrirang, June 2025-o ong·atgipa UGC NET/JRF porikka-o chu·sokanirangko man·e University-ni bimungna rasongko ra·baaha.
Ia chu·sokaniko mande ra·na, university-ni Payback Policy-o pangchake chu·sokaniko man·gipa pilak chatro-chatrirangna uamangni admission aro semester fee-rangko on·pilgen. Ia a·songo nambatgipa porikkarang jekai UGC NET, GATE, SLET aro Civil service-rango chu·sokaniko man·gipa chatro-chatrirangna boksis-ko on·na dingtangmancha a·bachengatgipa chol ong·a.
“Ia chu·sokaniara chingni pora-skianina gisik nangani aro chatro-chatrirangko bil gnangatna on·kange kam ka·aniko mesoka. Chinga chingni chatro-chatrirangna namen rasong chaa aro tangka-paisana neng·nikanichi darangni changa-sapani ja·manchakjana gita chinga krenge kamko ka·gen,” ine Chancellor Mahbubul Hoque aganaha.
2024 bilsio gimik-gimang sak 71 chatro-chatrirang UGC NET/JRF-o chu·sokaniko man·aha aro sak 489-na baten chatro-chatrirang NET aro SLET-ko re·anggipa bilsirango chu·sokaniko man·aha. 2017-o NET Forum-ko a·bachengataoni dipetan, USTM-o gisik nanggipa chatro-chatrirangna attamo skie on·anirangko gong·saba gamna nanggija dakaha aro da·ona kingking Payback Policy-ni ning·o chatro-chatrirangna kror 1.3na baten tangkarangko on·pilaha.
“Chinga textbook-rangkosan skia ong·aija. Chingni ia coachingrango soft skills, interview-rangna tarisamsoani aro didianirangko dake chu·gimik skie on·anirangko daka,” Vice Chancellor Prof G. D. Sharma aganaha.
USTM-ara uni skanggipa assessment cycle-o NAAC-oniko A grade man·gipa Salgro Salaram India-oni ge·samangmang private university ong·a aro bilsi gittam joljolna NIRF-ni gita India-ni Universityrangoni nambatgipa gadang 200-o ong·a. 61% chatrirang, aro 65% skigiparang donganichi, ia university me·a-me·chik nitegijanikoba me·soka.
“Ian porikkao chu·sokaniko man·aninasan ong·aija – indiba janggi tanganirangko dingtangataniba ong·a. Chinga skia-poraianiko namgipa gadango on·na aro janggi tanganio chu·sokaniko pilakona sokatna on·kange kamrangko ka·enga,” ine USTM-ni NET Forum-ni Director, Dr. Trishna Thakuria aganaha.
Na·simang iakoba nina man·gen:
Na·simang iakoba poraina man·gen: NGH-o gimaenggipa me•chik bi•sako man•pilkujaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
