Kharkutta, Jul 22: North Garo Hills a•jani Kharkutta Block ning•o donggipa Rajasimla jolo gimaenggipa me•chik bi•sako man•pilkujaenga ine North Garo Hills a•jani Additional Superintendent of Police (ASP) Ravi K Sangma parakataha.
Koborko on•ani gitade ia me•chik bi•sa, Upper Rajasimla songoni Dingsan R Marak aro Bibina D Sangma-ni bilsidok ong•kuenggipa demechik Donkame D Sangma, re•anggipa July 18 tarik Sukrobar sal 1:30 bajimangoni gimaangaha aro ua gimaangani ja•man nokdangni manderang, ma•drang maharirang aro songni manderang, bakan Kharkutta Police Station-o missing report-ko on•e, ia me•chik bi•sako sandina a•bachengataha.
Sonibar salonin ia me•chik bi•sako sandiengoba man•pilkujaengani gimin Mongolbar salo, Kharkutta-ni MLA Rupert M Momin an•tangba, ua songona re•bae, me•chik bi•sako sandidilaha aro me•chik bi•sako sandianio dakchakna gita North Garo Hills a•jani police-rang baksana Shillong-oni Search & Rescue Team aro Dog Squad-rangkoba okamataha.
Me•chik bi•sako sandianio, Rajasimla songni wilwilao donggipa dingtang dingtang songni manderang aro GSU Kharkutta Regional Unit, Indigenous A•chik Youth Development, KYO, ASPF aro uandakgipa dolrangba dakchakpaaha indiba da•onan ia me•chik bi•sako man•pilkujaenga ine u•iataha.
Gimaenggipa me•chik bi•sako police-rang, drone-rangko jakkale sandiangkugen ineba NGH-ni ASP parakataha.
Na·simang iakoba nina man·gen:
Na·simang iakoba poraina man·gen: TFL-ni Super Division-o Chandmary FC, Rongkhon Sporting-ko 3-1-chi amata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
