Tura, July 22: Mongolbar salo, Tura Football League (TFL) Super Division-ko, Dakopgre-ni P. A. Sangma Stadium-o ong·atanio Chandmary FC, 3-1-chi Rongkhon Sporting-ko amataha.
Chandmary FC-oni Dimsrang Ch Sangma, minute 4 ong·on skanggipa goal-ko chipchengenba, neng·takani somoi ong·na skang mangmang chong·motan 45+1 minute-o Trenningbirth M Sangma, 2-gipa goal-ko chipe on·angaha. Neng·takani jaman kal·susapiltaio, Nangrim M Sangma apsan dolonin 71-gipa minute-o 3-gipa goal-ko chipangskaaha. Rongkhon Sporting-oni Andrew Sangma mangmangsan minute 42 ong·o doltangna goal-1-ko chipe on·angaha.
Kal·susaani niamko ja·rikgija kal·gipa Chandmary FC-ni Liam Attamgrik M Marak aro Adam A Sangma aro Rongkhon Sporting-oni Prinswell Sangma-na yellow card-ko on·angaha.
Kal·susagipa pilak dolrangan chang 7 league match-rangoni chang 3-kode kal·tokaha aro ia kal·susaaniko August 30 tarikona ong·atanggen aro ia kal·susaanio nambatgipa dolgni September jao final-o kal·susaaniko dakanggen. Da·o re·baenggipa Bristibar sal chong·motan July 24 tariko Dadenggre YC aro West Balalgre dolrangni gisepo attam-ni 3:30 bajio apsan biapon kal·susaaniko ong·atanggen.
Na·simang iakoba nina man·gen:
Na·simang iakoba poraina man·gen: Raij Tuber-ni Behdienkhlam maniani namen matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
