Shillong, July 22: Jaintia Hills a·jao dal·batsranggipa maniani Behdienkhlam ba Raij Tuber-ni Behdienkhlam maniani Mongolbar salo name matchotaha.
East Jaintia Hills a·ja, Tuber Kmaichnong-ni Biar Aitnar-o East aro West Jaintia Hills a·ja damgnionin Niamtre robol kal·susaaniko an·saobee kal·anganiko nikna man·aha.
Ia manianiko July 19 tarikoni a·bachengataha aro dingtang dingtang manianio dakbewalrangkoba dakangaha. Indake ia manianio ‘Knia Ryngkaw’-ko man·chape uamangni Raij-ko chel·chaksoenggipa aro pattigipa ra·rongipana krit amue on·aniko uamangni pamong Langdoh dakdilangaha.
Uamangni bon·kamgipa dakarikaniko dakani ja·man, ‘Ka Iatan Bhang’ chong·motan tug of war-ko Phang Nein (North) aro Phang Wah (South)-ni gisepo susagrikangaha aro ‘Iaslait’ chong·motan wrestling-koba bilak wa·sagipa me·sarangni gisepo susagrikangaha.
Ia manianio ge 64 Rots (Tableaus)-rangko dingtang dingtang songrangoni Raij Tuber-ni ning·o Biar Aitnar-ona ra·bae mesokanikoba dakaha.
Ia Rots ba Tableau-rangko tarie ra·baanichi Social aro Politics-ni gamchatani gimin, HIV/AIDS sabisiko bon·atani aro samtangtango donggipa gamrang buring bolgrimrang aro do·o mat aro matburingrangko ripinge rakkiani gimin mesokachi mikrakataniko on·angaha.
Ia Rots-ko Truck, Maruti Suzuki Jimmy, Bull aro uandake gipin garirango tarie mesokanikoba dakangaha.
Na·simang iakoba nina man·gen:
Na·simang iakoba poraina man·gen: India a·songni songjinmarangoni Shillong dingtangbea: Ed Sheeran
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
