Shillong, Feb 14: February jani 14 tariko, pangnan bilsian a•gilsak gimiko Valentine’s Day ba ka•saani salko manirongbaenga. Manderang ia salo nitogipa bibalrang, chocolate ba chi•gipa cha•anirangko on•a baksana ka•sagipa baksa miattam cha•e salrangko re•atronga, indiba ia salko maniani miksonganide ian an•chingni janggi tanganiko nitobatatna dakchakgipa manderangko mitelpilanisa ong•a.
Saint Valentine ming•gipa kamal saksani, Roman Emperor-ni chasongo bia ka•anirangko champengatani gisepon sriksrik ka•sagrikgipa jorarangko bia ka•e on•anirangko dakani a•sel February jani 14 tariko uni so•otako man•aoni ia Valentine’s Day-ara ong•baaha aro uni ia ka•saanina on•kanganian jamano ka•saani chin ong•baskaaha. Da•alo, Valentine’s Day ian itihas-ni giminsan ong•aijaha, indiba ian maikai ka•saanichi saksa sakgipinni nangrimaniko mangrakbatatna dakchaka uko mesokani ong•a.
Ka•saaniara an•chingna bil aro kusiniko on•a dakchaka. Valentine’s Day-ni salara saksa sakgipinna ka•saaniko maniani aro saksa sakgipinko gamchatnikani sal ong•a. Iano me•a aro me•chikni ka•sagrikanikosan miksongaija, indiba ian ripingska baksa golpogrikani, nokdangni manderang ba ma•a pako mitelani ba an•tangna simsakanikoba man•chapa.
Valentine’s Day ine aganon, gamchatgipa boksisrang on•aniko miksongja, indiba ian ka•sae agananirang, ka•dingatani ba ka•dimeatani kattarangkoba miksonga. An•chingni janggi tanganio gamchatbatgipa manderang chong•motan, an•chingni joraba ong•ja maina an•chingni ripengba ong•ja maina uamangko mitelna gita ian nambegipa sal ong•a.
Na·simang ia video-koba nina man·gen:
Na·simang iakoba poraina man·gen: Guwahati-o Climate Change Summit-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
