Imphal, May 1: Manipur a·dokni Bishnipur a·jao, songni manderangna chel·chakanirangko on·enggipa sak 11 volunteer-rangko rim·e uamangni silchidarerangko seke ra·angengmiting somoio ‘Meira Paibis’-ni me·chikrang, Army-rangko champengenba, ia volunteer-rangko watpilchina aro silchidarerangko on·pilchina gita dabitokaha.
Official-rangni u·iatani gitade, Mongolbar salo, Army-ni Mahar regiment sipairang, Bishnupur a·jani Kumbi jolrango re·roroe nirok sandianirangko dakengmiting somoio SUV gari bolgniko champengsoenba, ia gario re·angenggipa sak 11 volunteer-rangko rim·ahachim.
Ia sak 11 volunteer-rangko uamangni silchidarerang baksa Army-rangni rim·e ra·angengmiting somoio Meitei jatni ‘Meira Paibis’-ni bang·bea me·chikrang Army-rangko champengaha aro Army-rangni rim·e ra·angenggipa volunteer-rangko aro uamangni silchidarerangko on·pilchina dabitokaha.
Ia me·chikrangni aganani gitade, Army-rangni rim·e ra·angenggipa silchidarerangara, songo noko chel·chakanirangko on·enggipa volunteer-rangnisa ong·achim aro ia volunteer-rangan songni manderangko, bobil dolrang aro gipin jatrangoniko chel·chakskaengachim.
Ritchani ritcha me·chikrang, iandake army-rangko champengenba re·na on·jahani gimin army-rang, me·chikrangko katatna gita bangbango gopongpongahachim indiba ia me·chikrangko katatna man·jaha.
Uandaken ja·mano, Manipur Police-ni bang·bea sipairang ua biapona sokbaaha aro jingjengatenggipa me·chikrang baksa agangrikenba, army-rangni rim·e ra·angenggipa silchidarerangko police-rang ra·angskana man·aha.
Ia sak 11 volunteer-rangko jingjengatenggipa ritchani ritcha me·chikrang, army-rangoni sekdrae rimangskana man·aha ine police-rang u·iataha.
Na·simang ia video-koba nina man·gen:
Na·simang iakoba poraina man·gen: Shillong-o police station damgni aro sorkari office damsako petrol boma godapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
