SHILLONG, MAR 20: Meghalayani ‘chong·motgipa jatrangna’ VPPsan ka·saaia aro chanchiaia ine VPP aganenganiko ra·chake, Jaidbynriew ba Khasi jatna ka·sabebeode jatko de·doani rama ba blueprint-ko mesokbo ine Deputy Chief Minister Prestone Tynsong, VPP dolko ra·biaha.
“Na·a (Ardent Basaiawmoit) jatna ka·sabebeode aro chong·motgipa dilgipa ong·ode jatna nang·ni daka kamrangko aro on·gilanirangko mesokbo, maina na·a MLA ong·a bilsi 11 ong·aha” ineTynsong VPPni dilgipako ra·biaha.
“Mukul Sangmani Chief Minister ong·mitingoba building byelaw-rangni bidingo VPP President manderangko sorokrangona rimgome golmal ka·aha, indiba bon·chongdikaijok. Indiba sing·anide, Sixth Scheduleni biaprangona MUDAni napdraabako namatna kam ka·anio sawa mongsong ong·a? Uan 2018 bilsio Hamlet Dohlingni Urban Affairs Minister ong·mitingo Cabinetni jako ra·e kam ka·anichi ong·jama? Uni gimin, chong·mot obostarangko u·ichina gita anga Shillongni manderangko mol·mola” ine Tynsong aganaha.
NPPni dilenggipa dolko VPPni matangani bidingo Tynsong aganaha: “Ia matnanganiranga aiao inmanani ong·ja. Garo Hillsoba ong·bo, Khasi Jaintia Hillsoba ong·bo, chingni partyko ong·gija matnanganirangko re·anggipa bilsini eleksinon nikbejok. Indiba uni kride, 2019 bilsio dam 19osan cheaoni NPP 2023 bilsiode dam 26 biaprango cheaha. Uni gimin, NPPko matnanganide manderangna tol·e on·anisan ong·aia. Indiba seng·gipa manderangde mikron, nachil aro taning dongani gimin jara ong·tokja, NPP sorkarini kamrangko u·itoka.”
“Ia VPP partyni manderanga gipin kam aro kattako man·jaesa NPPko matnange roaia. Badita inch ba kilometre sorokko VPP tariaha, badita ge hospitalrangko, mai nama kamko Meghalayana VPP ka·aha ine anga uamango sing·na sika.”
Basaiawmoit-ni skango UDP-o napani bidingoba Tynsong aganaha. Ua somoio eleksinna wenmitingode UDP-an nambatsranggipa aro a·dokna dakgrikgipa partyrangonide HSPDPan gitchambatgipa ina, indiba da·ode uarangkon namja inskaengjok. Maia kakket, maia tol·a, manderangan basechina.”
Na·simang iakoba poraina man·gen: Tura constituency-ni nanganirangko chu•sokatna Agatha ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
