Shillong, Apr 19: Sukrobar salo, Shillong seat-ni NPP candidate aro Cabinet Minister, Ampareen Lyngdoh, opposition Voice of People Party (VPP)-ni ka•onanggipa aro mitchigipa politics-ko jakkalaniara namen dakgualbeani ong•a ine aganaha.
Kobor ra•timgiparang baksa agangrikengon, “Meghalaya a•dokni Politics-ni a•bao, mitchigipa, namgijagipa, saksa sakgipinko mande ra•gijagipa aro sakantini gisik aro taningrango ra•chakna man•gijaniko gapatgipa party gnang. Uni gimin anga iarangni bidingo pangnan aganronga, indake a•doko saksa sakgipinko mande ra•grikani chasongrang re•angaha, aro an•ching ua gadango dongenga, jeon, ge•sa party namen ka•o nangrakgipa ong•a aro ua party baksa mikkangchakgrikna nangengani gimin, anga an•tangni bil ama dipet, a•doko iandake namgijagipa politics-ko jakkalenganiko, saksa sakgipinko jaksi otgrikenganiko, sakgipinko namgijagipa kattarangko agana didienganiko bon•atna kam ka•gen aro iandake mitchigipa politics-ko a•doko jakkalaniara, uamangni dakgualani ong•chongmota” ine Lyngdoh, an•tangni gamchatgipa vote-ko pu•onani jamano aganaha.
Unbaksana, ua 8-9 bilsirangonin politics-o bak ra•gipa ong•achim aro iandake saksa sakgipinko mitchigrikaniko nikbakuja ineba ua agandapataha.
Indake, ian uni skanggipa changna MP Election-o susaengani ong•engon, uni party-ni member-rang, sakgipinrangnko party-na chakpaaniko on•china didianio namen krenge kamrangko ka•ahani gimin, pu•onchakram biap antion ia mitchigipa politics-ni kosako dakgrikgen aro kragipa dilgipako uamang seokgen ine ka•dongsoenganikoba ua parakangaha.
Una agreba, ia dam 36 Constituency-rango wennaniko dakanio, ua namen kakket ong•e aro bimchipe kamko ka•angaha aro mikkangchi, ia Constituency-rango dongenggipa manderangni namgnina dangdike on•anggen aro uamangni neng•nikanirangko sorkari baksa agangrikaniko dakgen ineba ua ku•rachakangaha.
Indake, dam 36 Constituency-rangoni bang•a manderangoniko, ua rimchaksoaniko, mande ra•aniko, ka•dongchakaniko man•soahani gimin, mikkangchi uni songregnio bilakbatataniko man•aha aro ian uni bil ama dipet songreanio aro uko matchotatanio didianiba ong•gen ineba ua agandapataha.
Na·simang ia video-koba nina man·gen:
Na·simang iakoba poraina man·gen: Congress Candidate Gaurav Gogoi uni gamchatgipa vote-ko pu•ona
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
