Shillong, May 21: Shillong songjinmani Mission Compound-o wa·al kamgopa man·gipa Khasi Jaintia Presbyterian Girls’ Higher Secondary School nokko Robibar pringo, Meghalaya a·dokni Chief Minister Conrad K Sangma nina re·angaha aro ia skulko niangani ja·man, ia skul nokko rikpiltaina gita Chief Minister’s Special Development Fund-oniko gong crore 1 tangkarangko on·atgen ine ku·rachakaniko on·angaha.
Interacted with the students & community members. Relieved that nobody was hurt in the incident. The school has a very special connect with the community & stood tall for over 130 years. This is a very personal loss to the people. pic.twitter.com/uUZj4yttj7
— Conrad K Sangma (@SangmaConrad) May 21, 2023
Ia skul nokko wa·al kamgopanina an·tangni suk ong·gijaniko parakatengon, ia skul bilsi 130 batpilengahani gimin ian jolni manderang baksa nangrimgipa skul ong·achim aro ian manderangna dal·bea gimaani ong·aha ine Chief Minister parakataha.
Ia skulko nieani somoio ua, skulni chatro chatrirang, skigiparang aro jolo songdongenggipa manderangkoba grongjolbaaha.
Ia KJP Girls Hr Sec School-ko Robibar pringwalo wa·al kamgopahachim.
