Lok Sabha Election-na campaign ka•anirang matchotani somoi sepangbaengon, Meghalaya a•dokni skotong minister Conrad K. Sangma, NPP ni candidate Agatha K. Sangma, Selsella Constituency ni MLa, Arbinstone Marak aro NPP dolni agipi dilgiparangni dongpanio, sombar salo Selsella School ni kalchakram-o manderangni ka•tongo nangdikpile lecture on•angaha. Tom•anio ua jilmana aganengon, NPP ni candidate Agatha K. Sangma ko agilsak gimiko robol kalanio mingsing-mingamako mangipa Messi baksa to•aha, jekai Messi robol kalna changa, ugita chacha Agatha Sangma ba uni kam ka•anio sapgipa ong•a ine aganaha.
