Boko, Aug 24: Assam a·dokni West Kamrup Forest Division-ni ning·o niam gri bolrangko den·e badingsrukenga aro ia bolrangko badingsrukanio mitam forest official-rangba jak donga ine matnangataha.
Koborko on·ani gitade, ia West Kamrup Forest Division-ni paktangtango a·brirang aro Brahmaputra chibima donga aro Boko-Bandapara Forest Range-ni ning·o donggipa Assam-Meghalaya a·dokni simarango niam gri bolrangko den·e badingsrukenga.
Ia biaprango donggipa bolrangko, niam gri badingenggipa manderang, den·enba a·arango dape so·eming koela tarienga aro ia bolrangko dingtang dingtang biaprangona watatenga ineba kobor on·timgiparang parakataha.
Ia bolrangko badingsrukanio, Nagarbera Riverine Forest Office-ni officer-in-charge-ba jak donga ine matnangatengon, ia officer, bol salgipa truck bolprakoniko gong 10,000 ka·e aro koela salgipa truck bolprakoniko gong 5000-oni gong 7000-mang gile ra·enga ine kobor on·timgiparang parakataha.
Sukrobar salo official-rang, Bhowriabhita songona re·ange nion, Shakil Anowar minggipa mandeni bol dokkano gamchatbegipa bolrangko den·engmitingko nikeaha aro ja·mano ia dokkano kam ka·enggipa manderang, official-rangko niksoon, ua biaponi kate chaktokaha ine kobor on·aha.
Iani bidingo West Kamrup Forest Division-ni officer Subodh Talukdar-na u·iatani ja·man forest official-rang, ua biapona re·angon bolrangko nikejaha ineba kobor on·timgiparang parakataha.
Na·simang iakoba nina man·gen:
Na·simang iakoba poraina man·gen: Kror 150-ni kajinako gamgijani bidingo GM Coke-ni nokgipako Byrnihat-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
