Guwahati, Aug 24: Directorate General of GST Intelligence (DGGI), Guwahati Zonal Unit, GM Coke-ni nokgipa Shiv Kumar Mittal-ko kror 150-na baten kajinarangko gamjani gimin Byrnihat-o rim·aha.
Bang·a kajinarangko gamaha ine togie tarigimin lekkarangko man·ani ja·mano, Sukrobar attamo Mittal-ko Tinsukia-oniko rim·aha. Officialrangni aganani gitade, ua Meghalaya-oniko niamgri chalaienggipa karkanarangoniko coke-ko breaha aro kangal-cholgri manderangni document-rangko jakkale tol·e segatgimin firm-rangni bimungo invoice-rangko tariaha.
Uandake Mittal kror 150-na baten ia tol·e tarigimin invoice-rangko jakkale kajinarangko gamgija dongaha. Ia ja-ni a·bachengachipak indake tol·e tarigimin invoice-rangko sandie bang·en man·aha, jeon Mittal-ni bimungba uno nakataha aro uno sakbri manderangko rim·aha.
Mittal-ko da·o pattoko done ia niam-gri ka·gipa kamrangko am·sandienga aro koila aro coke-ko badingsrukanirango jak donggipa gipin manderangni bidingo sing·doanirangko dakenga.
Mittal-ko rim·aniara Salgro-Salaram-o invoice-rangko togie tariani, kajina-rangko gamgijani aro niam-gro badingsrukanirangko dakanirangni bidingo kam ka·anirangko mesokenga ine DGGI aganangaha.
Batanggimin ja-chetni gisepo, Directorate General of GST Intelligence (DGGI), Guwahati Zonal Unit, GST gamgija kate donggiparangko Assam, Meghalaya, Nagaland, Arunachal Pradesh, aro West Bengal-oniko sak-11 manderangko rim·aha.
Koborrangko man·soani gitade, ia obostao matnangako man·gipa kror 1,000-na baten tol·e invoice-rangko tarigipa dolko chalaiengachim. Iani ning·o uamang koila aro coke-ko badingsrukengachim aro GST-oni jokna tol·e tarigimin companyrangko jakkalengachim.
“Ian bang·aoni on·tisasan parak ong·kuainga. Chingni sandianirangko dakengon, bang·a dal·dalgipa manderangni bimungrang nakatenga. Uamangni aro niam-gri karkanarangko chalaigiparangni kosako rakgipa sastiko on·gen,” ine official saksa aganangaha.
Na·simang iakoba nina man·gen:
Na·simang iakoba poraina man·gen: Sak 7000 me·chikrang Thiyanam-ko dakanichi Assam Book of Records-o segatako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
