Tura, June 13: Tura Hawakhana-o donggipa Indoor Sports Hall-o skanggipa changna Garo Hills Veterans Badminton Championship-ko Sonibar salo matchotataha. West Garo Hills District Badminton Association (WGHBA)-ni ia sal 3-na ong·atgipa tournament-ko June jani 11 tarikoni a·bachengataha, jeon Garo Hills-ni dingtang dingtang bakrangoni re·bagipa Badminton kal·gipa bilsi 35-oni una batgiparang bak ra·angpaaha.
West Garo Hills-ni Deputy Commissioner Vibhor Agarwal, ia tournament-ko ong·atani bon·kamgipa salo mongsonggipa sokgipa ong·e bak ra·angan baksana Meghalaya a·doko kal·susaanirang aro kal·chakram biaprangko namdapatna nangchongmotani gimin aganangaha. Gitcham MLA Billykid A. Sangma baksana a·gipibatgipa T.O., MFS, Sengkham D. Shira-ba ia tom·anio dongpae, chegiparangna boksis-rang aro certificate-rangko suale on·angaha.
Ia kal·susaani men’s double championship-o sak 102 kal·susagiparangni 75+, 85+, 95+ aro 105+ category-rango bak ra·aniko nikangna man·aha. 105+-na batgipa category-o Sengrang Shira aro Walsang Sangma-ko amatenba, Swapan Kumar Das aro Sujeet Shira cheaniko man·aha. Iani gisepon, Heliard Marak aro Swapan Das sakgnian 85+ aro 95+ category-o cheaniko man·skaaha. Indake, 75+ category-ora, Salrak Marak aro Andybirth G. Sangma, final kal·susaanio Jaseng aro Michael-ko amatenba, champion ong·skaaha.
Ia kal·susaanikoara, Garo Hills-o badminton kal·na sapgiparangna rasongko on·ani gisepon, be·en bimangko an·seng baljoke rakkiani, an·seng baljokgipa janggi tangani bewal aro veteran player ba sipai kamoni neng·takgimin kal·susagiparangni gisepo meli nangrimaniko mangrakbatatna didianiko on·a miksonganio ong·atangaha.
Na·simang iakoba nina man·gen:
Na·simang iakoba poraina man·gen: Manipur-o mande siako gopanio an·chipari nikanichi sak 1 sia aro sak 2 saaknaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
