Williamnagar, May 19: Sukrobar salo, Williamnagar-ni Greenyard Higher Secondary School-o Parents’ Day ba ma·a paarangni salko maniangaha aro ia manianio Williamnagar-ni ADC Ripamchi Sangma mongsonggipa sokgipa ong·e bakko ra·angaha. Ia tom·anio District School Education Officer, Shanti Moi D. Marak, Sub-Divisional School Education Officer, Clarinda K. Marak, District Science Supervisor, Samuel K. Sangma, Greenyard School-ni managing committee aro gipin niksenggipa manderangba dongpae bakko ra·angaha.
Ia tom·anio Greenyard Higher Secondary School-ni Principal Diana N. Sangma tom·bagipa sakantina rimchaksoani kattarangko aganangaha.
Ia program-ko ong·atanio skulni bi·sarang chrok-mesaanirang, dakmesokanirang aro ka·srokbee gitrangko ring·achi tom·anio bakko ra·anggipa pilak ma·a paarangkon an·saoatangaha.
Ia tom•anio pagiparangoni saksa, Greenyard School-ni pilak skigiparangko mittele, school-ni pilak chatro-chatrirangkon, an·tangtangni gamchatbegipa somoirangko social media aro mobile phone-rango bon·ataigija, gisiko nange poraichina didiani kattarangko aganangaha.
Ia tom·anio kamoni neng·takgimin Additional Deputy Commissioner aro Greenyard School-ni President P.R. Marak, Parents Day-ko maniani gamchatani bidingo jinmana talate on·angskaaha.
Tom•anio mongsonggipa ong•e sokgipa Additional Deputy Commissioner, Ripamchi Sangma, ma·gipa-pagiparang school-ni skigiparang baksa meli nanggrime kam ka·osa namgipa chatro-chatriko ong•katatna man•a aro bisarangko nama gadongana tang·doatnaba dakchaka ine aganangaha.
Iakoba poraie nina man·gen: Bol cha·ue salgiparangko AHAM, Forest dept-ni manderang baksa rim·a
