Williamnagar, July 18: Gambegre constituency-ni ning·o donggipa Amindagre songoni me·chik saksa gimaenga aro re·anggipa walo mikchaa-ka·saanio neng·nikanirangko man·e dolong-oni chokone siaha ine chanchichipenga.
Bilsi 24 ong·gipa, Chenorisha A. Sangma re·anggipa ja-oni an·tangni ma·gipa baksa Williamnagar Fishery Colony-o dongengachim. Uni ma·gipade ua colony-o songdonga bilsi 11 ong·nasiengaha.
Walni 12:33 bajimango, Chenorisha an·tangni nokni manderangna “angade siaignok” ine bon·kamgipa message-ko watataha. Uni ma·gipa rang·sanan una phone ka·atahaoba ua ra·chakjaha. Uni noksul una ka·atna man·aha indiba Chenorisha an·tangko so·otna am·engaha ine aganchake, an·tang badiamancha biapona re·angachim aganjaha indiba dolong-o inesa janapaiaha.
Jajrenganian gape, uni ma·gipa Williamnagar Police Station-ona re·ange walni 1:50 bajimango gimagipa mandeni gimin badi ka·aha. Police-rang bakbakan sandianirangko dakaha aro Nokgil A·we Hanging Bridge-ona 2:00 bajimango sokangaha.
Chenorisha-ko uno nikejaoba, uni bag, ja·koprang, aro mobile phone-ko dolong-oniko man·e, ua an·tangko so·ote siaha ine chanchipaha.
Ia bilsini April ja dipet Chenorisha Daren Agal-oni me·apa saksako mikchaengachim ine nokni manderangko name u·igiparang parakataha. Uandake, nokdangni manderang aro mahari-ni manderang changni chang tom·anirangko dake uamangko ekgrikatna jotton ka·aha indiba Chenorisha gong·jaha aro bang·a changon an·tangko so·otnaba jotton ka·aha ine koborrangko man·aha.
Uni gisik so·sojengjeng ong·aniara me·apako mikchaani a·selsa ong·a aro uandaken Chenorisha an·tangko gimaataniona sokaha ine uni nokni manderang me·apani kosako badi ka·na miksongenga.
Da·o dipet, Nokgil A·we Hanging Bridge-ni sepango donggipa Simsang Chibima-oniko uko sandianirangko dakenga.
Na·simang iakoba nina man·gen:
Na·simang iakoba poraina man·gen: USTM-ni am·sandigipa dolrang, Arunachal Pradesh-o Nyishi jatni mi-oniko tarigipa chu bitchini bidingo poraie nianiko dakangaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
