Shillong, July 18: Indian Journal Of Traditional Knowledge-ni gital poraie man·anio, USTM-ni am·sandianiko dakgipa dolrang Opo ba Arunachal Pradesh-o mioniko tarigipa chu bitchiko tariani bidingo poraie nianiko dakangaha. Sony Kumari, Tarh Ama, Pranab Jyoti Koch aro Rahel Debbarma-ni dilanio am·sandigipa dolrang, jolo tarigipa chu bitchini chemical-ni bakrang aro be·enna namgniko on·ani bidingo nianiko dakangaha.
Opo ian dingtang dingtang ong·telaigipa bringiminrang bosturang jekai Tisar, Kecha aro Adak-ko on·chenge tarigipa chu bitchi ong·a. Tisar, 4.59%-ni mangni gita rakbatgipa chuko ong·atna dakchaka ine poraie nio nikna gita man·aha. Kecha-ara sambol-rangoniko be·enna namgniko on·gipa namgipa chu bitchiko ong·atna dakchaka. Tisar-oniko tarigipa chu bitchirang be·en bimangko ong·siatgipa bosturangoniko naljoke rakkina dakchaka.
Am·sandigipa dolrang, be·enna namgniko on·gipa chu bitchirang jekai methyl a-D-glucopyranoside aro hexadecanoic acid methyl ester nangni on·gipa bosturangko am·na, advanced lab tests (GC-MS)-rangko jakkalangaha.
Am·sandigiparangni dilgipa, Sony Kumari, Opo ian jatni ringanisan ong·aija indiba “Biochemical Treasure” ong·a ine aganangaha. Uamangni bebe ra·ani gitade, iandakgipa am·sandianirangara, tribal jatrangni u·iani, be·enna namgniko on·gipa ringani bosturang aro jolo songdonggipa manderangna gital kamni cholrangko on·a dakchakgen. Iani gisepon, Opo-ko bang·e ringgenchim ong·ode be·enna namgijaniko ra·banaba donga uni gimin nangana bate ringjachina uamang mikrakatanikoba on·ataha.
Na·simang iakoba nina man·gen:
Na·simang iakoba poraina man·gen: Meghalaya-o railway project-rangko ka·angna agangrikanirangko dakna MoS didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
