Williamnagar, February 6: Ia jani 27 tariko ong•na sienggipa Meghalaya Legislative Assembly Election-na Williamnagar-ni DC Office-o sak 11 candidate-rang Sombar salo, an•tangtangni nomination lekkarangko on•angtokaha.

Ia salo nomination file ka•anggipa candidate-ranga, Williamnagar constituency-oni Indian National Congress (INC)-ni candidate Ma Deborah C. Marak, Trinamool Congress (TMC)-ni Alphonsus R. Marak, BJP-ni Raknang Ch. Marak, JDU-ni Robinus T. Sangma aro Independent candidate Rudreswar Ch. Momin ong•a.

Songsak constituency-na TMC-ni candidate Dr. Mukul Sangma, BJP doloni Thomas N. Marak aro Indian National Congress (INC)-ni Champion R. Sangma ia apsan salon, an•tangtangni nomination-ko file ka•angskaaha.

Rongjeng constituency-oniba Indian Trinamool Congress-ni candidate Sengnam M. Sangma, BJP-ni Papiush Ch. Sangma aro Indian National Congress-ni Jebing G. Momin an•tangtangni nomination-rangko on•angaha.