Williamnagar, October 6: East Garo Hills ni District Sports Officer ni
Chadamberangni changa-sapaniko basena aro uamangni changa-sapaniko dake mesokna cholko on·na miksonge Williamnagarni DRDA Hall-o District Level Youth Exchange Programmeko ong·ataha. Ia programme, jekon salgnina East Garo Hillsni District Sports Officer ong·ataha, bite gnang nambee matchotaha.
Ia programme-o Williamnagar jolni school aro collegerang, jekai Greenyard Higher Secondary School, Sacred Heart Higher Secondary School, Rongrenggre Government Higher Secondary School, Williamnagar Government College, Loyola College aro United Rongjeng Higher Secondary School bak ra·aha.
Poraigipa chadamberangna Folk Song Competition, Extempore Speech, Painting, Flute, Guitar, Folk Dance Competition, Quiz Competition, One Act Play susaanirangko ong·ata baksa poraigipa chadamberangni re·mikkanganio basena change chu·sokgipa ong·china gita Career Guidancekoba Williamnagarni Additional Deputy Commissioner Diana Guri Sangma on·angjolaha.
Ia District Level Youth Exchange Programme-o nambate dakgiparangko ia jani 16 tariko State Level gadango susana gita Shillongona rimanggen ine District Sports Officer Babira G. Momin Hub Newsna u·iataha.
Watch
